गोंदिया : गोंदियात (gondia) एकतर्फी प्रेमातून एक थरारक घटना घडली असून १७ वर्षीय मुलगा १२ वर्षीय मुलीच्या प्रेमात (love) वेडा झाला. परंतु ती बोलत नसल्याने त्याचा राग अनावर झाला व त्याने थेट तिचे घर (home) गाठत तिला तिच्या कुटुंबियांसमोर जीवे मारण्याची धमकी दिली. त्यानंतर गटात वादावादी व मारामारी झाली. या प्रकरणी सात जणांवर गुन्हा नाेंदविण्यात आला आहे. (gondia latest marathi news)

संबंधित मुलीच्या आईने मुलाने घरी येऊन धमकी दिल्याची माहिती नातेवाईकांना सांगितली. तसेच मदत मागितली. त्यानंतर मुलाने दोन नातेवाईकांवर चाकूने हल्ला करून त्यांना जिवानिशी मारण्याचा प्रयत्न केला.

दरम्यान मुलीच्या नातेवाईकांनी मुलाच्या गटातील एकावर चाकूने हल्ला केला. या घटनेतील तिघांना शासकीय वैद्यकीय महाविद्यालयात उपचारार्थ दाखल करण्यात आले आहे. तसेच दोन जण गंभीर असल्याने त्यांना नागपूरला (nagpur) नेण्यात आले आहे. या प्रकरणात दोन्ही गटांतील सात जणांवर गोंदिया शहर पोलिसात (gondia city police) गुन्हा दाखल करण्यात आला आहे अशी माहिती पोलिस निरीक्षक श्री. नाळे यांनी दिली.

Edited By : Siddharth Latkar