Chandrapur News : चंद्रपुरात (chandrapur) एका स्मार्ट चोराचा धुमाकूळ बघायला मिळत आहे. विविध वसाहतीत नागरिक मॉर्निंग वॉकला (morning walk) गेल्यानंतर घर उघडे असल्याचे पाहून तो घरात प्रवेश करतो. हातात देणगी बुक ठेवत मूकबधिर असल्याचे भासवून एंट्री करताच घरात कुणी नसल्याचे पाहून मौल्यवान वस्तू लंपास करताे. पाेलिस (police) त्याच्या मागावर आहेत. (chandrapur latest marathi news)

राजेश मुळे (पोलिस निरीक्षक, रामनगर पोलिस ठाणे) म्हणाले हा चाेर केवळ लॅपटॉप, मोबाईल (mobile), रोख रक्कम तसेच मौल्यवान वस्तू चाेरायचा. हा चोर अन्य राज्यातून जिल्ह्यात आल्याची प्राथमिक माहिती समाेर आली आहे.

त्याला चोरी प्रकरणी हटकले असता तो मूकबधिर असल्याचे नाटक करतो. चंद्रपूर पोलिसांनी या पद्धतीने चोरी करणाऱ्या या स्मार्ट चोराचा शोध चालविला आहे. नागरिकांना या चोराबाबत माहिती मिळाल्यास तातडीने पोलिसांना संपर्क साधण्याचे आवाहन करण्यात आले आहे.

Edited By : Siddharth Latkar