Wardha News Saam TV
महाराष्ट्र

Wardha News : रक्षकच बनला भक्षक! तक्रार करण्यासाठी आलेल्या तरुणीवर पोलीस अधिकाऱ्याकडून अत्याचार; VIDEO काढून करत होता ब्लॅकमेल

Crime Newपोलिस निरीक्षक संपत चव्हाण याच्याविरुद्ध अत्याचाराच्या कलमान्वये गुन्हा दाखल करण्यात आल्याची माहिती आहे.s:

साम टिव्ही ब्युरो

चेतन व्यास

Wardha News : नागरिकांची सुरक्षा करण्यासाठी पोलीस सदैव तत्पर असतात. मात्र जेव्हा पोलीस अधिकारीच हैवान होतो तेव्हा दाद मागवी तरी कुणाकडे असा प्रश्न पडतो. अशीच एक धक्कादायक घटना वर्ध्यातील हिंगणघाट शहरात समोर आली आहे.

तक्रार देण्यास गेलेल्या २४ वर्षीय पीडितेची तक्रार न घेता तिचा आक्षेपार्ह व्हिडीओ तयार करुन वारंवार तिचे लैंगिक शोषण पोलीस अधिकाऱ्यांने केलं आहे. याप्रकरणी हिंगणघाट पोलिसातील तत्कालीन पोलिस निरीक्षक संपत चव्हाण याच्याविरुद्ध अत्याचाराच्या कलमान्वये गुन्हा दाखल करण्यात आल्याची माहिती आहे.

मिळालेल्या माहितीनुसार, पीडिता तिच्या वडिलांविरोधात ५ ऑगस्ट २०२१ रोजी हिंगणघाट पोलिसात तक्रार देण्यास गेली होती. त्यावेळी कर्तव्यावर असलेल्या पोलीस निरीक्षक संपत चव्हाण याने तुझी मदत करतो, पण तु माझ्याशी मैत्री कर, असं म्हटलं. पीडितेने नकार दिला असता चव्हाण याने तुझी तक्रार मी घेणार नाही असे सांगितले. (Crime News)

पीडितेने मी वरिष्ठांकडे तक्रार करेल, असं म्हणत पोलिस ठाण्यातून निघाली. मात्र, १९ ऑगस्ट २०२१ रोजी संपत चव्हाण रात्री ९ वाजता पीडितेच्या घरी गेला आणि धमकी दिते एफआयर नोंदवतो असं सांगितलं. बरेच दिवस उलटल्यानंतरही तक्रार न घेतल्याने पीडितेने पुन्हा चव्हाण याला तक्रार घेण्यासाठी सांगितले. मात्र चव्हाण याने पीडितेला चक्क एफआयआर करायची असेल तर माझ्याशी शारीरिक संबंध प्रस्थापित कर, असं म्हणत बळजबरीने पीडितेवर अत्याचार केला.

याचा व्हिडीओ बनवून त्यांनी पीडितेला ब्लॅकमेल करण्यास सुरुवात केली. चव्हाण याने ब्लॅकमेल करत वारंवार एप्रिल २०२२ पर्यंत पीडितेचे लैंगिक शोषण केल्याचा आरोपी पीडितेने तक्रारीत केला आहे. अखेर पोलिस निरीक्षक संपत चव्हाण याच्याविरुद्ध पीडितेच्या तक्रारीवरुन अत्याचाराचा गुन्हा दाखल करण्यात आला आहे. पुढील तपास हिंगणघाट पोलीस करत आहेत.

पीडितेने ६ मे २०२२ रोजी पुन्हा पोलीस ठाण्यात जात विनंती केली असता पोलिस निरीक्षक चव्हाण याने वडिलांवर खोटी कारवाई करण्याची धमकी दिली. त्यानंतर ठाणेदार चव्हाण रजेवर गेला. रजेवरुन आल्यानंतरही २७ डिसेंबर २०२२ रोजी पुन्हा संपत चव्हाण याने ब्लॅकमेल करत पीडितेचे लैंगिक शोषण केले. यानंतर पीडितेने तक्रारीवरुन पोलीस निरीक्षक चव्हाणवर हिंगणघाट पोलिसात गुन्हा दाखल करण्यात आला.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra Live News Update: अहिल्यानगरातील महात्मा फुले चौकात भीषण अपघात

Uttar Pradesh Heartbreaking : शाळेचा पहिला दिवस, कारमधून उतरला अन् धाडकन जमिनीवर कोसळला; १२ वर्षाच्या विद्यार्थ्याचा हृदयविकाराच्या झटक्याने मृत्यू

Nilesh Sable: निलेश साबळेला 'चला हवा येऊ द्या' कार्यक्रमातून का हटवलं, जाणून घ्या कारण

Maharashtra Politics: बाहेर ये...तो राज साहेबांविषयी बोललाय; राज ठाकरेंबाबत अपशब्द वापरणाऱ्याला मनसेनं बदडलं|VIDEO

Badlapur Firing : बदलापूर हादरलं! दिवसाढवळ्या आमदाराच्या बंगल्यासमोर गोळीबार

SCROLL FOR NEXT