- संजय राठोड

Yavatmal News : यवतमाळ जिल्ह्यातील आर्णी येथे युवकाचा रात्रीच्या सुमारास अज्ञातांकडून खून करण्यात आला. या घटनेचा पाेलीसांनी तातडीने तपास करुन आराेपींना अटक करावी या मागणीसाठी आज (गुरुवार) सकाळपासून आर्णीत ग्रामस्थांनी रास्ता राेकाे आंदाेलन छेडले आहे. (Maharashtra News)

आर्णी येथील अजय अवधूत तिगलवाड (वय 22 राहणार, कोळवण, आर्णी) याचा भाजी मंडईत धारदार शस्त्राने वार करून खून केल्याची घटना रात्रीच्या सुमारास घडली. त्यानंतर सकाळपासून आर्णी शहरात तणावपू्र्ण वातावरण आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

आर्णी गावातील नागरिकांनी एकत्र येत सकाळपासून घटनेतील संशयितास पकडा अशी मागणी करीत रास्ता राेकाे आंदाेलन (aandolan) केले. या आंदाेलनाच्या सुमारे चार तासानंतर पाेलीसांनी एका संशयितास ताब्यात घेतले.

या संशयितास भानसरा शेतशिवारातून पोलीसांनी ताब्यात घेतल्याचे सांगण्यात ये आहे. तसेच आणखी एका संशयितास सावळी परिसरातून ताब्यात घेतल्याची माहिती पोलीसांनी दिली. या घटनेचा कसून तपास केला जाईल असा विश्वास पाेलीसांनी नागरिकांना दिला. नागरिकांनी पाेलीस प्रशासनास सहकार्य करावे असे आवाहन करण्यात आले आहे.

Edited By : Siddharth Latkar