Dhule News : पती पत्नीच्या किरकाेळ वादानंतर झालेल्या भांडणानंतर पतीने पत्नीस लाकडी दांडक्याने मारहाण केली. या घटनेत पत्नीचा जागीच मृत्यू झाला. धुळे पाेलिस दलाने पतीस ताब्यात घेतले आहे. (Maharashtra News)

पाेलिसांकडून मिळालेल्या माहितीनूसार ही घटना शिरपूर तालुक्यातील मोहिदा येथे घडली. नंदा पावरा व बाळू पावरा हे दांपत्य त्यांच्या शेतामध्ये असलेल्या घरात राहत. या शेतकरी दांपत्याचा रात्री वाद झाला.

या वादानंतर बाळू याने दारुच्या नशेत नंदा यांच्या डोक्यात लाकडी दांडके मारले. जबर मारहाण झाल्याने पत्नी नंदा (वय 30) यांचा जागीच मृत्यू झाला. या घटनेची माहिती मिळताच शिरपूर तालुका पोलीस घटनास्थळी तात्काळ दाखल झाले.

कोतवाल म्हणून कार्यरत असलेला मारेकरी पती बाळू पावरा (वय 40) यास पोलिसांनी तात्काळ ताब्यात घेतले. नंदा पावरा यांचा मृतदेह पोलिसांनी उत्तरीय तपासणीसाठी पाठविला आहे.

Edited By : Siddharth Latkar