Sangli News : मारहाणीसह जीवे मारण्याच्या धमकीसह सात गंभीर स्वरूपाचे गुन्हे दाखल असलेल्या सांगलीच्या (sangli) जत येथील विकास दुधाळ टोळीवर हद्दपारची कारवाई करण्यात आली आहे. या टोळीतील सहा जणांना सांगली, सोलापूर जिल्ह्यात प्रवेश बंदी करण्यात आली आहे. पोलीस अधीक्षक बसवराज तेली यांनी ही कारवाई केली आहे.

दुधाळ टोळीने चार वर्षांपासून जत येथे दहशत निर्माण केली आहे. बेकायदात जमाव जमूवुन घातक शस्त्रनिशी गंभीर दुखापत करणे, अल्पवयीन मुलीस लग्नाचे आमिष दाखवून पळून नेणे, शरीर संबंध ठेवणे, शिवीगाळ मारहाण करून ठार मारण्याची धमकी देणे या प्रकारचे सात गुन्हे (crime) या टोळीवर दाखल आहेत.

त्यामुळे या टोळीतील सर्वांना तडीपार करण्यात यावे असा प्रस्ताव जत पोलीस (police) निरीक्षक यांनी पोलीस अधीक्षकांकडे सादर केला होता. त्या अनुषंगाने तेली यांनी टोळीतील सहा जणांना दोन वर्षाकरिता दोन जिल्ह्यातून हद्दपारचे निर्देश दिले आहेत. (Maharashtra News)

Edited By : Siddharth Latkar