लातूर - देवणी शिवारातून संगनमत करून विश्वासघाताने पोकलेन घेऊन गेल्या प्रकरणी देवणी पोलीस ठाण्यात दोघांविरुध्द गुन्हा दाखल करण्यात आला आहे. शिवाजी गुरप्पा शेळके यांच्या देवणी शेतशिवारात उभी केलेली शिवाजी शेळके यांच्या मालकीची हुंडाई कंपनीची २० लाख रुपये किंमतीची पोकलेन मशीन संदीप नानासाहेब पांगीरे व राजकुमार रामचंद्र बिरादार या दोघांनी चोरुन नेली.

हे देखील पाहा -

ही मशिन शंभर रुपयाच्या बाँड पेपरवर खरेदी खत करून घेतली होती. त्यानंतर एक महिण्यानंतर पोकलेन मशीनचा ताशी हिशोब न देता फिर्यादीची मालकीची पोकलेन मशीन आरोपीतांनी संगणमत करुन देवणी शेतशिवारातून २५० लिटर डिझेलसह घेवून गेले. त्याबाबतचे पैसे फिर्यादीस न देता अन्यायाने विश्वासघात केला. या प्रकरणी ओमकार हावगीराव शेळके यांच्या फिर्यादीवरून देवणी पोलीस ठाण्यात संदीप नानासाहेब पांगीरे, राजकुमार रामचंद्र बिरादार या दोघांविरुध्द गुन्हा दाखल करण्यात आला आहे.

Edited By - Shivani Tichkule