पिंपरी– चिंचवड : विवाहबाह्य संबंधातून स्वतःच्या प्रेयसीसोबत राहण्यासाठी स्वतःच्याच खुनाचा बनाव रचला. याकरीता एका व्‍यक्‍तीला जीवे मारून स्‍वतःचा खुन (Crime News) झाल्‍याचा कट रचला. या प्रकरणात आळंदी पोलिसांनी दहा दिवसानंतर आरोपीस अटक केली आहे. (Maharashtra News)

आळंदी पोलिसांनी (Police) सुभाष उर्फ केरबा छबन थोरवे (वय ६५) या वृद्धास अटक केली आहे. तर जवळपास दहा दिवसांपूर्वी घडलेल्या या हत्याकांडात रविंद्र भिमाजी घेनंद नामक (वय ४८) या व्यक्तीचा मृत्यू झाल्याची माहिती पोलिसांनी दिली आहे. सुभाष उर्फ केरबा छबन थोरवे याचे एका महिलेशी विवाहबाह्य संबंध होते. त्यामुळे (Pimpri Chinchwad) आपल्याला स्वतःच्या प्रेयसीसोबत लांब कुठेतरी जाऊन राहता यावे; म्हणून त्यांनी स्वतःच्या मृत्यूचा कट रचला.

शिर धडावेगळे करत मृतदेह फिरविला मशिनमध्‍ये

कट रचताना त्याने रवींद्र भिमाजी घेनंद याचा खून करून स्वतःच्या मृत्यूचा बनाव केला. सुभाष केरबा छबान थोरवे याने रवींद्र भिमाजी घेनंद ह्याला आपल्या शेतात नेऊन त्याचे मुंडके कोयत्याने धडापासून वेगळे केले. तसेच त्‍याला स्वतःचे कपडे घालून आणि मृतदेह पुन्हा रोटर मशीनमध्ये फिरवून त्याचा निर्घृण खून केल्याचा धक्कादायक प्रकार उघडकीस आला आहे. या प्रकरणात आळंदी पोलिसांनी दहा दिवसानंतर केरबा छबन थोरवे विरोधात खुनाचा गुन्हा दाखल करून पोलिसांनी अटक केली आहे.