पिंपरी : जेवनात मीठ जास्त झाले, ह्या किरकोळ कारणावरून ढाबा चालकाने आपल्या आचाऱ्याचा खून केला आहे. पिंपरी चिंचवड (Pimpri Chinchwad) शहरातील चाकण (Police) पोलीसस्टेशन अंतर्गत येणाऱ्या शेल पिंपळगाव या ठिकाणी ही धक्कादायक घटना घडली आहे. (Breaking Marathi News)

प्रेसनजीत गोराई (वय 35, मुळ राहणार पश्चिम बंगाल) असे खून (Crime News) झालेल्या आचाऱ्याचे नाव आहे. प्रेसनजित गोराई हा शेल पिंपळगाव येथील ओंकार ढाबा या ठिकाणी आचारी म्हणून काम करत होता. 26 ऑक्टोबर 2022 ला ढाब्यात स्वयंपाक करत असताना त्याच्याकडून चुकून जेवनात मीठ जास्त पडले. याच कारणावरून ढाबाचालक ओमकार अण्णाराव केंद्रे आणि कैलास अण्णाराव केंद्रे यांनी त्याला लोखंडी पाईप, लोखंडी रॉड आणि वायरणे बेदम मारहाण करत त्याचा खून केला.

दोन दिवसानंतर लावली मृतदेहाची विल्‍हेवाट

खून केल्यानंतर दोन दिवस केंद्रे बंधूंनी त्याचा मृतदेह स्वतःच्या ढाब्यातच लपवून ठेवला. त्याच्यानंतर प्रेस्नजित गोराई ढाब्यापासून काही अंतरावर असलेल्या एका खड्ड्यात टाकून मृतदेहाची विल्हेवाट लावण्याचा प्रयत्न केला. मात्र ही बातमी पोलिसांना खबऱ्या मार्फत कळताच दोन महिन्यानंतर पोलिसांनी प्रेसनजीत गोराई यांच्या खुनाचा छडा लावला आहे. ओंकार केंद्रे आणि कैलास केंद्रे या दोन्ही भावंडांना शस्त्र विरोधी पथकाने खुनाच्या गुन्ह्यात अटक केली आहे.