बीड : बीड जिल्ह्यातील सर्व खाजगी हॉस्पिटलने फायर ऑडिट करून घ्यावे, अन्यथा त्यांची मान्यता रद्द केली जाईल. असे पत्र बीडचे जिल्हा शल्य चिकित्सक डॉ.सुरेश साबळे यांनी काढले आहे. अहमदनगर आणि भंडारा येथील अग्निकांडानंतर बीड जिल्हा आरोग्य यंत्रणा अलर्ट झाली आहे.

हे देखील पहा :

बीड मधील सर्व आरोग्य संस्थांचे फायर ऑडिट आणि इलेक्ट्रॉनिक ऑडिट करायला सांगितले असून पुढील 10 दिवसाची मुदत दिली आहे. अन्यथा कारवाई केली जाईल असे डॉ.सुरेश साबळे यांनी सांगितलंय. दोन दिवस बीड जिल्हा रुग्णालयातील सर्व कर्मचाऱ्यांना आग लागल्यानंतर ती आटोक्यात आणण्यासाठीचे प्रशिक्षण शिबीर घेण्यात आले आहे.

त्यामुळे आरोग्य विभागात सर्वोतोपरी प्रयत्न केले जात असल्याचे, डॉ.सुरेश साबळे यांनी सांगितले. बीड जिल्ह्यातील सर्व खासगी हॉस्पिटलचे देखील फायर ऑडिट महत्वाचे आहे. ते पूर्ण करून घेण्यासाठी 15 दिवसाची मुदत दिली आहे. अन्यथा हॉस्पिटल चे परवाने रद्द केले जातील व नूतनीकरण केले जाणार नाही.असा इशारा देखील त्यांनी यावेळी दिलाय.

Edited By : Krushnarav Sathe