- संजय सूर्यवंशी / भूषण अहिरे

Andolan :

पेन्शन वाढीच्या मागणीसाठी गेल्या आठ वर्षांपासून लढा देणा-या पेन्शनधारकांचा भ्रम निरास झाल्याने आज (साेमवार) पुन्हा एकदा पेन्शनधारकांनी राज्यभरात आंदाेलनास प्रारंभ केला आहे. धुळे आणि नांदेड जिल्हाधिकारी कार्यालयावर माेर्चा काढला. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

इपीएस 95 राष्ट्रीय संघर्ष समितीच्या वतीने पेन्शन धारकांतर्फे धुळे जिल्हाधिकारी कार्यालय परिसरात असलेल्या क्युमाईन क्लब या ठिकाणी लाक्षणिक उपोषण करण्यात आले. पेन्शन संदर्भातील मागण्यांकडे केंद्र व राज्य सरकारचे लक्ष वेधण्यासाठी हे आंदाेलन असल्याचे उपोषणकर्त्यांनी नमूद केले. या लाक्षणिक उपोषणामध्ये मोठ्या संख्येने पेन्शन धारक सहभागी झाले हाेते. यावेळी केंद्र सरकार व राज्य सरकारच्या विरोधात पेन्शन धारकांनी घोषणाबाजी केली.

पेन्शन वाढीच्या मागणीसाठी गेल्या आठ वर्षांपासून ईपीएस पेन्शनधारक लढा देत आहेत. पेन्शन वाढीबाबत पंतप्रधान नरेंद्र मोदी यांच्याशी सकारात्मक चर्चा झाल्याने पेन्शनधारकांच्या आशा पल्लवित झाल्या होत्या. (Maharashtra News)

श्रम मंत्रालय आणि अर्थ मंत्रालयाच्या टोलवाटोलवीमुळे पेन्शधारकांची पदरी पुन्हा निराशा निर्माण झाली. येत्या 13 मार्चला होणाऱ्या केंद्रीय मंत्रालयाच्या बैठकीत पेन्शन वाढीचा प्रश्न सोडवला गेला नाही तर आगामी लोकसभा निवडणुकीमध्ये विद्यमान सरकारला असंतोषाचा सामना करावा लागेल असा इशारा आंदोलकांनी दिला. या आंदोलनात मोठ्या संख्येने पेन्शनधारक सहभागी झाले होते.

Edited By : Siddharth Latkar