Parbhani Crime News:

परभणीतून धक्कादायक वृत्त हाती आली आहे. परभणीत १७ वर्षीय विद्यार्थ्याने कॉलेजची फी भरायला पैसे नसल्याने आत्महत्या केल्याची धक्कादायक घटना घडली आहे. परभणीतील औंढा तालुक्यातील दौंडगावात ही दुर्दैवी घटना घडली आहे. तरुणाच्या निर्णयाने परिसरात एकच खळबळ उडाली आहे. (Latest Marathi News)

मिळालेल्या माहितीनुसार, महाविद्यालयात शैक्षणिक घेत असताना घरची हलाखी होती. त्यात महाविद्यालय प्रशासन विद्यार्थ्याकडे सतत शैक्षणिक शुल्काचा तगादा लावला होते. महाविद्यालय शैक्षणिक शुल्कासाठी सतत तगादा लावत असल्याने या १७ वर्षीय विद्यार्थ्याने आत्महत्या केल्याची घटना घडली आहे.

परभणी जिल्ह्यातील औंढा तालुक्यातील दौंडगाव ही घटना घडली आहे. या घटनेनंतर या विद्यार्थ्याने उपचारासाठी जिंतूर ग्रामीण रुग्णालयामध्ये दाखल करण्यात आलं. मात्र, डॉक्टरांनी विद्यार्थ्याला मृत घोषित केलं.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

शेतकऱ्याच्या मुलाची आत्महत्या

संभाजीनगर येथे अकरावीत वाणिज्य शाखेत शिक्षण परमेश्वर विठ्ठल चितरे (वय 17) या विद्यार्थ्याने औंढा तालुक्यातील दौडगाव महाविद्यालयात शिक्षण घेत होता. महाविद्यालयाची फी नसल्याने त्याने स्वतःच्या शेतामध्ये विष प्राशन करून आत्महत्या केल्याचा प्रकार समोर आला आहे. ही घटना सकाळी अकरा वाजण्याच्या सुमारास घडली.

१७ वर्षीय विद्यार्थी हा मागील वर्षभरापासून संभाजीनगर येथे एका खाजगी शिक्षण संस्थेत शिक्षण घेत होता. त्याने शिक्षणासाठी वडिलांकडे महाविद्यालयाची शैक्षणिक शुल्क भरण्यासाठी पैशाची मागणी केली. मात्र, त्यावेळी वडिलांची हालाखीची परिस्थिती असल्याने सोयाबीनची काढणी झाल्यानंतर फी भरू असे वडिलांनी आश्वासन दिले. परंतु महाविद्यालयाने फीसाठी तगादा असल्याने संबंधित विद्यार्थ्यांनी टोकाचे पाऊल उचलले. या घटनेने परिसरात खळबळ उडाली आहे.