पनवेलमधून एक धक्कादायक बातमी समोर येत आहे. पनवेलमध्ये एका आरोपीनं महिलेचा गळा आवळुन हत्या केली, त्यानंतर महिलेच्या अंगावरून दागिने आणि मोबाईल घेऊन चोरटा पसार झाला. मध्यप्रदेशला पलायन केलेल्या एका संशयित व्यक्तीला ताब्यात घेत विचारपूस केली असता, आरोपीनं गुन्ह्याची कबुली दिली. याप्रकरणी पनवेल तालुका पोलिस ठाण्यात गुन्हा दाखल करण्यात आला असून, पुढील तपास पोलीस करीत आहेत.

पनवेलमध्ये एका व्यक्तीनं चोरीच्या हेतूनं महिलेचा पाठलाग केला. चोरट्यानं महिलेचा हात पकडला. महिलेनं विरोध केला. त्यांनतर आरोपीनं कपड्यानं गळा आवळला, ज्यामध्ये महिलेचा जागीच मृत्यू झाला. महिलेची हत्या करुन अंगावरील सोन्याचे दागिने आणि मोबाईल घेऊन आरोपी पसार झाला होता. घटना निर्जनस्थळी घडल्याने तपासात अडचणी येत होत्या. मात्र, गुन्हे शाखेनं तपासाची चक्र फिरवली आणि आरोपीपर्यंत पोहोचण्यास पोलिसांना यश आलं.

मध्यप्रदेशमध्ये चोरट्यानं पलायन केलं होतं. नंतर आरोपीची कसून चौकशी करण्यात आली. यावेळी आरोपी शरद साहू याला मुद्देमालासंबंधीत विचारपूस केली असता, त्याने गुन्ह्याची कबुली दिली. नंतर आरोपीनं चोरी केलेला मुद्देमाल परत केला आणि महिलेची गळा आवळून हत्या केल्याचं देखील कबूल केलं.

नेमकी घटना काय घडली?

पनवेलमध्ये हत्या करून चोरी केल्याची घटना घडलीय. शरद साहू या आरोपीनं महिलेचा चोरी करण्याच्या हेतूनं पाठलाग केला. नंतर त्यानं महिलेचा हात पकडला. महिलेने हात झटकला, त्यानंतर चोरट्यानं एका कापडाच्या मदतीनं महिलेचा गळा आवळला. ज्यामध्ये महिलेचा जागीच मृत्यू झाला. नंतर आरोपीनं महिलेच्या अंगावरील दागिने आणि मोबाईल घेऊन फरार झाला. पोलिसांना माहिती मिळताच महिलेचा शोध घेण्यात आला, त्यात चोरट्यानं महिलेची हत्या करून चोरी केल्याचा प्रकार उघडकीस आला. या प्रकरणी पोलिसांनी आरोपीच्या मुसक्या आवळल्या असून, पुढील तपास पोलीस करीत आहेत.