राष्ट्रवादीचे सर्वेसर्वा शरद पवारांच्या मराठवाडा दौऱ्याला सुरूवात झाली आहे. आज ते बीडमध्ये जाहीर सभा घेणार आहे. धनंजय मुंडेच्या बालेकिल्ल्यात ही सभा होणार असून शरद पवारांनी धनंजय मुंडेसाठी कोणता पर्याय शोधलाय याकडे साऱ्यांचं लक्ष लागलं आहे. अशात पंकजा मुंडे 2024 ला राष्ट्रवादीकडून निवडणूक लढवतील असं मोठं विधान राष्ट्रवादी युवक प्रदेश सचिवांकडून करण्यात आलं आहे. (Latest Marathi News)
अजित पवार सत्तेत सहभागी होताना धनंजय मुंडे देखील त्यांच्यासोबत आले. धनंजय मुंडेंना यावेळी झालेल्या मंत्रिमंडळ विस्तारात मंत्रिपद देण्यात आलं. तर दुसरीकडे पंकजा मुंडे यांना अद्यापही राज्य सरकारमध्ये स्थान मिळालेलं नाही. त्यामुळे त्या नाराज असल्याच्या चर्चा सातत्याने ऐकू येत असतात. आता पंकजा मुंडे थेट राष्ट्रवादीकडून निवडणूक लढवणार असल्याच्या चर्चेने राजयकीय वर्तृळात खळबळ उडाली आहे.
राष्ट्रवादी युवक प्रदेश सचिव नेमकं काय म्हणाले?
"भाजपने राज्यात पक्ष फोडायचं काम केलं आहे. लोकनेते गोपीनाथ मुंडे यांच्यासोबत काय केलं हे माहित आहे. त्यानंतर त्यांच्या मुलींना देखील त्रास दिला जातोय. त्यामुळे पंकजा मुंडे 2024 ला राष्ट्रवादीकडून निवडणूक लढतील?", असं मोठं विधान राष्ट्रवादी युवक प्रदेश सचिव केके वडमारे यांनी केलं आहे.
बीडमध्ये राष्ट्रवादीचे नेते शरद पवार यांची तोफ धडाडणार आहे. राष्ट्रवादीच्या फुटीनंतर शरद पवार यांची राज्यातील दुसरी आणि मराठवाड्यातील पहिली सभा आज बीडमध्ये होत आहे. आज आमदार संदीप क्षीरसागर यांच्या वतीने भव्य रॅलीने पवारांचे स्वागत होणार आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.