पंढरपूर : मराठा आरक्षणासाठी सुरु असलेल्या आंदोलनात पोलिसांकडून आंदोलकांवर लाठीचार्ज करण्यात आला. या घटनेचे पडसाद राज्यभरात उमटलं आहेत. (Pandharpur) पंढरपुरात देखील मराठा समाज (Maratha Reservation) आक्रमक झाला असून येत्या १० तारखेला आयोजित शासन आपल्या दारी कार्यक्रम झाला तर उधळून लावण्याचा इशारा दिला आहे. तसेच गृहमंत्र्यांनी राजीनामा देण्याची मागणी देखील केली आहे. (Breaking Marathi News)

जालना येथे मराठा समाजाच्या आरक्षणासाठी सुरु असलेल्या आंदोलनात पोलिसांकडून लाठीचार्ज करण्यात आला. या घटनेची जबाबदारी स्विकारून गृहमंत्री देवेंद्र फडणवीस यांनी आपल्या पदाचा राजीनामा द्यावा. तसेच मराठा आंदोलकांवर लाठीचार्ज करणाऱ्या अधिकाऱ्यांना तात्काळ निलंबित करावे. अन्यथा पंढरपुरात होणारा शासन आपल्या दारी हा कार्यक्रम आम्ही होऊ देणार नाही. असा इशारा सकल मराठा समाजाचे समन्वयक रामभाऊ गायकवाड यांनी दिला आहे.

रास्ता रोको आंदोलन 
जालना येथील घटनेचे पडसाद आज पंढरपुरात उमटले. यात पंढरपूर तालुक्यातील भोसे या ठिकाणी टेंभुर्णी, नगर, पुणे रस्ता अडवून सकल मराठा समाजाच्यावतीने रास्ता रोको करण्यात आले. यावेळी सकल मराठा समाजाच्यावतीने गाई गुरांसह महिला आणि पुरुष येऊन शासन आपल्या दारी कार्यक्रम उधळून लावू. असा इशारा यावेळी मराठा समाजाच्या वतीने देण्यात आला. त्यामुळे पंढरपूरच्या शासन आपल्या दारी या कार्यक्रमावर आता संकट येऊन ठेपले असल्याची चिन्हे आहेत.