पंढरपूर : एका तरूणाची हत्या करून मृतदेह पोत्यात भरून तो गुरसाळे बंधार्यात फेकून दिल्याचे (Crime News) आज सकाळी समोर आले आहे. सदरची धक्कादायक घटना (Pandharpur) पंढरपुरात घडली आहे. या घटनेमुळे परिसरात खळबळ उडाली आहे. (Latest Marathi News)

पंढरपूरमधील स्थानिक नागरिकांना आज सकाळी गुरसाळे येथील बंधार्या रंगत नदीपात्रात पोत्याचे गाठोडे (Bhima River) तरंगत असल्याचे दिसून आले. याबाबतची माहिती पंढरपूर तालुका पोलिसांना देण्यात आली. पोलिसांनी घटनास्थळी येऊन पाहणी केली असता, पोत्यात अंदाजे ३० वर्षं वयाच्या तरूणाचा मृतदेह आढळून आला आहे. 

तरुणाची ओळख पटविण्याचे काम सुरु 

सदर घटनेची दखल घेवून पोलिसांनी वेगाने तपास सुरू केला आहे. तरुणाचे नाव, गाव अद्याप निष्पन्न झाले‌ नाही. लवकरच या प्रकरणाचा तपास लागेल अशी‌ माहिती पोलिस निरीक्षक मिलींद पाटील यांनी दिली.