पंढरपूर येथील कृषी उत्पन्न बाजार समितीच्या बेदाणे सौदे बाजारात उच्चांकी 400 रुपये प्रति किलो असा भाव मिळाला. बेदाणे सौदे बाजारात पाटकूल येथील शेतकरी नितीन गावडे यांच्या बेदाण्याला उच्चांकी 400 रुपये प्रति किलो असा भाव मिळाला आहे. हा दर बेदाणा सौदे बाजारातील आजपर्यंतचा सर्वाधिक दर मानला जात आहे.
याबाबत सविस्तर माहिती अशी की, पंढरपुर येथील कृषी उत्पन्न बाजार समितीमध्ये सोलापूर, सांगली, सातारा, पुणे, उस्मानाबाद, तासगाव, जत, कर्नाटक, इंदापूर यासह राज्याच्या विविध भागातून बेदाणा मोठ्या प्रमाणावर विक्रीसाठी येतो. मंगळवारी या बाजार समितीत सुमारे 2 हजार 500 टन बेदाण्याची आवक झाली होती.
यामध्ये पाटकूलचे शेतकरी नितीन गावडे यांच्या 660 किलो बेदाण्याला विक्रमी 400 रुपयांचा भाव मिळाला. तर इतर शेतकऱ्यांच्या बेदाण्याला सरासरी 170 रुपये प्रतिकिलो दर मिळाला. सांगलीच्या व्यापाऱ्याने गावडे यांंचा बेदाणा 400 रु. प्रतिकिलो दराने खरेदी केला. उच्चांकी दर मिळाल्यानंतर शेतकरी नितीन गावडे यांचा बाजार समितीच्या वतीने माजी आमदार प्रशांत परिचारक यांच्या हस्ते सत्कार करण्यात आला.
रायगडमध्ये वणव्याचा हाहाकार; शेतकऱ्यांचे नुकसान..
रायगड जिल्ह्यातील (Raigad) पोलादपुर तालुक्यात गेल्या दोन दिवसात वणव्यामुळे पळचील आणि कापडे येथे वणव्यामुळे मोठे नुकसान झाल्याच्या घटना घडल्या आहेत. या दुर्घटनेत 6 गुर आणि 15 कोंबड्यांचा मृत्यू झाला असून गुरांचा जळून खाक झाला आहे तर कापडे येथे हेमंत साने या शेतकऱ्यांची काजूची 40 कलमी झाड जळून खाक झाली आहेत. (Latest Marathi News)
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.