Pandharpur Accident:

पंढरपूरमधून एक विचित्र अपघाताची घटना समोर आली आहे. पंढरपूरजवळ गुरसाळे गावानजीक भरधाव ट्रक थेट हॉटेलमध्ये घुसल्याने एकच खळबळ उडाली. या अपघातात दोन कार आणि मोटारसायकलचा अक्षरशः चेंदामेंदा झाला. सुदैवाने या अपघातात कोणतीही जिवीतहानी झाली नसून चालक दारुच्या नशेत असल्याने ही घटना घडल्याचे सांगण्यात येत आहे.

याबाबत अधिक माहिती अशी की, भरधाव कंटेनर थेट हॉटेलमध्ये घुसल्याची घटना पंढरपूर जवळच्या गुरसाळे गावात घडली. हा ट्रक टेंभुर्णीकडून पंढरपूरकडे जात होता. गुरसाळे गावाजवळ ट्रक अनियंत्रित होऊन थेट रस्ता सोडून हॉटेलमध्ये शिरला.

या घटनेत हाॅटेल जवळ थांबलेल्या दोन कार आणि मोटारसायकलचा चेंदामेंदा झाला. दैव बलवत्तर म्हणून या अपघातात कोणतीही जिवीतहानी झाली नाही. मात्र अपघातात तीन वाहने चक्काचूर झाल्याने लाखोंचे नुकसान झाले आहे. धक्कादायक बाब म्हणजे या ट्रकचा चालक दारुच्या नशेत असल्याचेही सांगण्यात येत आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

कर्नाटकमध्ये भीषण अपघात...

कर्नाटकमध्ये गुरूवारी (26, ऑक्टोंबर) भीषण अपघाताची (Karnataka Accident) घटना घडली. ट्रक आणि कारच्या भीषण अपघातामध्ये १२ जणांचा दुर्दैवी मृत्यू झाला आहे. कर्नाटकातील (Karnataka) चिकबल्लापूर (Chikkaballapur) येथे ही घटना घडली आहे. या अपघातामध्ये एक जण गंभीर जखमी झाला असून त्याच्यावर रुग्णालयात उपचार सुरू आहे. (Latest Marathi News)