पालघरमधील एका घरामध्ये भीषण स्फोट झाल्याची घटना समोर आली आहे. या स्फोटामध्ये चार जण गंभीर जखमी झाले आहेत. बोईसरच्या अवधनगर परिसरातील एका घरात मध्यरात्री हा भीषण स्फोट झाला. या स्फोटामुळे परिसरामध्ये खळबळ उडाली आहे.
कपाटामध्ये स्फोट झाल्याची प्राथमिक माहिती समोर आली आहे. या घरामध्ये राहणारे ४ जण गंभीर जखमी झाले असून त्यांच्यावर रुग्णालयामध्ये उपचार सुरू आहेत. हा स्फोट इतका भीषण होता की घरातील कपाटासह काही वस्तू पूर्णपणे तुटल्या आहेत. घरातील भिंतीचा काही भाग ही कोसळला आहे. या स्फोटाचे कारण अस्पष्ट आहे. बोईसर पोलिसांकडून या स्फोटाचा तपास सुरू आहे
मिळालेल्या माहितीनुसार, बोईसरच्या अवधनगर परिसरात मध्यरात्रीच्या सुमारास एका घरात भीषण स्फोट झाल्याची घटना घडली. हा स्फोट इतका भीषण होता की घरातील कपाटासह इतर वस्तूंचे मोठे नुकसान झाले. कपाटाच्या काचा पूर्णपणे फुटल्या असून घरा समोरच्या भिंतीचा काही भागही कोसळला. तर बाजूच्या घरांच्या भिंतींना देखील तडे गेले असल्याची माहिती समोर आली आहे.
या स्फोटात कुठलीही जीवितहानी झाली नसली तरी स्फोटामध्ये एकूण चार जण गंभीर जखमी झाल्याची प्राथमिक माहिती पोलिस प्रशासनाकडून देण्यात आली आहे. स्फोटाचे कारण अस्पष्ट असलं तरी घटना घडल्यानंतर तात्काळ बोईसर पोलिसांनी घटनास्थळी धाव घेत पाहणी केआली. नेमका स्फोट कशामुळे झाला याचा तपास सध्या बोईसर पोलिसांकडून सुरू आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.