कैलास चौधरी

उस्मानाबाद : उस्मानाबाद जिल्ह्यातील वाशी शहराजवळ ऐका शेतकऱ्याच्या शेतात उल्कापात खळबळ उडाली होती. या ठिकाणी वरिष्ठ भूवैज्ञानिक अधिकाऱ्यांनी भेट दिल्यानंतर असा उल्कापात होण्याची शक्यता कमी असल्याचे स्पष्ट केले आहे. जागेची पाहणी आणि स्थिती तपासल्यानंतर प्रथम दर्शनी हा उल्कापात वाटत नसल्याचे त्यांनी सांगितले.

हे देखील पहा :

त्याचबरोबर जिऑलॉजिकल आणि स्पेस सायन्सच्या दृष्टिकोनातून देखील हा उल्कापात नसल्याचे स्पष्टीकरण त्यांनी साम टीव्हीला दिले आहे. प्रभू निवृत्ती माळी यांनी त्यांच्या शेताच्या बांधावर रात्रीच्या वेळी आकाशातून एक दगड पडला असल्याचे सांगितले होते. तो अर्धवट जळालेल्या स्वरूपात होता. शेतात तुंबलेले पाणी काढत असताना माळी यांना विचित्र आवाज ऐकायला आला असल्याचे शेतकऱ्याचे म्हणणे होते.

हा गडद सोनेरी गव्हाळ रंगाचा आहे, तसेच त्याची लांबी 7 इंच, तर रुंदी 6 इंच आहे. साडेतीन साधारणपणे अडीच किलो वजनाचा हा दगड आहे. त्यामुळे लोकांमध्ये उल्कापात झाल्याची चर्चा सुरू होती. मात्र, वरिष्ठ भूवैज्ञानिक यांनी भेट दिल्यानंतर प्रथमदर्शनी हा उल्कापात नसल्याचे स्पष्ट केले आहे.

Edited By : Krushnarav Sathe