Beed News :

मराठा आरक्षणासंदर्भात राज्य सरकारने काढलेला अध्यादेश (maratha reservation gr) रद्द करा अशी मागणी करत आज (गुरुवार) बीड शहरात आमदार संदीप क्षीरसागर (mla sandeep kshirsagar) यांना सकल ओबीसी समाजाने घेराव घातला. त्यावेळी आमदार क्षीरसागर यांनी ओबीसी समाजातील कार्यकर्त्यांशी, पदाधिका-यांशी चर्चा केली. त्यानंतर सकल ओबीसी समाजाच्या वतीने आमदार क्षीरसगार यांना मागण्यांचे निवेदन देण्यात आले. (Maharashtra News)

सरकारने जारी केलेला सगे सोयऱ्यांचा मसुदा तात्काळ रद्द करण्यात यावा, ही मागणी घेऊन बीड शहरासह जिल्ह्यातील सर्वच तालुक्यांमध्ये सकल ओबीसी समाज आक्रमक झाला आहे. ओबीसी नेते छगन भुजबळ (chhagan bhujbal) यांच्यावर टीका करणाऱ्या महायुती मधील आमदारांना मुख्यमंत्र्यांनी समज द्यावी, अन्यथा 2024 मध्ये ओबीसी काय करू शकते ? हे मतामधून दाखवून देऊ असा इशारा ओबीसीचे नेते सुभाष राऊत यांनी दिला आहे.

दरम्यान बीड शहरात आमदार संदीप क्षीरसागर यांना घेराव घालत सकल ओबीसी समाजाच्या वतीने निवेदन देण्यात आलेे. त्याचबरोबर जिल्हाधिकारी कार्यालयावर मोर्चा काढत जिल्हाधिकारी यांच्यासह तालुक्यातील सर्वचं तहसीलदारांना सकल ओबीसी समाजाच्या वतीने निवेदन देत मराठा आरक्षणासंदर्भात राज्य सरकारने काढलेला अध्यादेश रद्द करा अशी मागणी केली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar