Nashik News : नाशिक शहरात येत्या शनिवारी संपूर्ण शहराचा पाणीपुरवठा बंद (nashik water supply) राहणार आहे. त्यामुळे नागरिकांनी पाण्याचा काटकसरीने वापर करावा असे आवाहन पालिका प्रशासनाने केले आहे. (Maharashtra News)

शहराला पाणीपुरवठा करणाऱ्या मुकणे धरणाच्या पंपिंग स्टेशनवरील सब स्टेशनच्या विद्युत कामासाठी शनिवारी वीज पुरवठा बंद राहणार आहे. वीज पुरवठा बंद राहणार असल्याने पाणीपुरवठ्यावर परिणाम हाेण्याची शक्यता असते. त्यामुळे शनिवारी पाणीपूरवठा बंद (water supply) ठेवण्याचा निर्णय पालिकेने घेतला आहे.

दरम्यान गंगापूर धरणाच्या पंपिंग स्टेशनवरून पाणी पुरवठा होणाऱ्या जलशुध्दीकरण केंद्र, जलकुंभ आणि वितरण व्यवस्थेतील दुरुस्तीच्या कामासाठी देखील पाणीपुरवठा बंद राहणार असल्याचे पालिकेने कळविले आहे. शनिवारी दिवसभर पाणीपुरवठा बंद राहणार असून रविवारी सकाळीही कमी दाबाने पाणीपुरवठा हाेईल असे पालिकेने म्हटलं आहे. तरी नागरिकांनी पाण्याचा काटकसरीने वापर करण्याचं आवाहन पालिका प्रशासनाने केले आहे.

दरम्यान, अल निनोच्या प्रभावामुळे पाऊस लांबण्याची शक्यता असल्याने एप्रिल आणि मे महिन्यात आठवड्यातून एक दिवस गरज पडल्यास जून आणि जुलै महिन्यात आठवड्यातून दोन दिवस पाणी कपात करण्याचा प्रस्ताव महापालिका प्रशासनाने विभागीय आयुक्तांकडे पाठवलाय.

यावर अद्याप कोणताही निर्णय झालेला नसतांना दुसरीकडे महावितरणमुळे शहरात शनिवारी पाण्याचा ड्राय डे ठेवण्याची वेळ आलीय.

Edited By : Siddharth Latkar