पुण्यासह राज्यातील महापालिका निवडणुकीत दोन्ही राष्ट्रवादी एकत्र येण्याची चर्चा रंगली होती.. मात्र अखेर या चर्चेला पुर्णविराम लागलाय.. पवारांच्या राष्ट्रवादीचे पुणे शहराध्यक्ष प्रशांत जगतापांनी पवारांच्या भेटीनंतर पक्षाची भूमिका स्पष्ट केलीय...

खरंतर नगरपरिषद आणि नगरपंचायत निवडणुकीत भाजपला रोखण्यासाठी कोल्हापूर, बीडसह राज्यात अनेक ठिकाणी दोन्ही राष्ट्रवादीने युती केली...त्यानंतर पुणे आणि पिंपरी चिंचवड महापालिकेतही दोन्ही राष्ट्रवादी एकत्र येण्याची चर्चा रंगली होती...पदाधिकाऱ्यांनीही एकत्र येण्याचा नारा दिला होता..मात्र पवारांच्या राष्ट्रवादीचे नेते प्रशांत जगतापांनी दोन्ही राष्ट्रवादी एकत्र आल्यास राजीनामा देण्याचा इशारा दिला.... आणि त्यानंतर पुन्हा चक्रं फिरली..

राष्ट्रवादीच्या फुटीनंतर लोकसभा आणि विधानसभा निवडणुकीत दोन्ही पक्षाच्या नेत्यांनी टोकाची टीका केली... मात्र विधानसभा निवडणुकीनंतर दोन्ही पक्षाचे नेते वेगवेगळ्या कार्यक्रमात एकत्र आल्याचं पाहायला मिळालं.. त्यामुळे दोन्ही राष्ट्रवादी एकत्र येण्याची चर्चा रंगली होती...

मात्र आता पवारांच्या भेटीनंतर प्रशांत जगताप यांनी अखेर या चर्चांवर पडदा टाकलाय. तर पुणे महापालिकेत मविआ म्हणून निवडणूक लढण्याचे संकेत दिलेत.मात्र राजकारणात काहीही होऊ शकतं, असं म्हणतात त्याप्रमाणे राजकीय गरज म्हणून आगामी काळात पुन्हा काका आणि पुतण्याचे सूर जुळणार का आणि दोन्ही राष्ट्रवादी एकत्र येणार का? याकडे राज्याचं लक्ष लागलंय...