संजय सूर्यवंशी

Nanded News : तेलंगणाच्या निजामाबाद जिल्ह्यातून भीषण अपघाताचं मोठं वृत्त समोर आलं आहे. निजामाबाद जिल्ह्यात भीषण अपघात झाल्याची घटना घडली आहे. या घटनेत नांदेड जिल्ह्यातील तरुणांचा मृत्यू झाला आहे. या घटनेने अपघातस्थळी एकच खळबळ उडाली.

निजामाबाद जिल्ह्यातील जिल्ह्यात भीषण अपघाताची घटना घडली आहे. रविवारी मध्यरात्री हा अपघात झाला. नांदेडच्या (Nanded) बिलोली तालुक्यातील कुंडलवाडी येथील दोन सख्ख्या भावा सह अन्य दोघांचा मृत्यू झाला आहे. या अपघाताच्या (Accident) वृत्तानंतर कुंडलवाडी परिसरात एकच खळबळ पसरली आहे.

अपघात केव्हा झाला?

निजामाबाद जिल्ह्यातील राष्ट्रीय महामार्गावर भीषण रविवारी मध्यरात्री अपघात झाला. तेलंगणा राज्यातील इंदलवाई मंडळातील चंद्रायनपल्ली येथे हा अपघात झाला आहे . या अपघातात चार जणांचा मृत्यू झाला आहे. या अपघातात कारचा चक्काचूर झाला आहे. यात नांदेड जिल्ह्यातील बिलोली तालुक्यातील कुंडलवाडी येथील निरडी परिवारातील दोन सख्ख्या भावांचा समावेश आहे.

या अपघातात गणेश निरडी आणि आदित्य निरडी या दोन सख्ख्या भावांचा मृत्यू झाला आहे. तर प्रकाश अंकलवार , साईराम भाळे अशी मृतांची नावे आहेत. प्रकाश अंकलवार हा देखील कुंडलवाडी येथील रहिवाशी आहे. तर साईराम भाळे हा निजामाबाद येथील रहिवाशी असल्याची माहिती समोर येत आहे. अपघाताची माहिती मिळताच पोलीस घटनास्थळी पोहोचले.

नातेवाईक निजामाबाद येथील शासकीय रुग्णालयात दाखल झाल्याची माहिती आहे. तरुणांच्या मृत्यूने कुटुंबावर दु:खाचा डोंगर कोसळला आहे. तरुण मुलांचा अपघातात मृत्यू झाल्याने कुंडलवाली शहरावर शोककळा पसरली आहे.