- विनायक वंजारे

Nitesh Rane News : संजय राऊत यांचे वेळपत्रक ठरलेले आहे. त्यांच्या कुटुंबातील एक माणूस आणि ते स्वत: दिवाळीत जेल मध्ये जाणार असे भाकित भाजप आमदार नितेश राणेंनी केले. काेविडच्या घाेटळ्यात राऊत हे जेलची हवा खाणार असल्याचे सांगत त्यांची खासदारकी राहणार नाही असेही राणेंनी म्हटले. दरम्यान पुण्यातील दंगल घडविण्यात माजी मुख्यमंत्री उद्धव ठाकरेंचा (uddhav thackeray) हात असल्याचा आराेप आज (मंगळवार) आमदार नितेश राणे (mla nitesh rane latest marathi news) यांनी केला. (Maharashtra News)

माजी पाेलीस आयुक्त मीरा बाेरवणकर (Meera Borwankar) यांच्या पत्रकार परिषदेतील एका मुद्याचा धागा पकडत राणेंनी ठाकरेंवर आराेप करीत त्यांच्या चाैकशीची मागणी केली. सिंधुदुर्ग (Sindhudurg) येथे आयाेजिलेल्या पत्रकार परिषदेत राणे बाेलत हाेते.

आमदार नितेश राणे म्हणाले बोरवणकर यांनी त्यांच्या पत्रकार परिषदेत एक मुद्दा सांगितला. ताे माध्यमांच्या लक्षात आला नाही. बाेरवणरकर यांनी मिलिंद नार्वेकर आणि नीलम गोरे यांच्या विराेधात आमच्याकडे दंगलीबाबत पूरावा हाेता. राणे पुढे म्हणाले हे दाेघेही उद्धव ठाकरेंकडेच हाेेते. याचा अर्थ असा हाेता उद्धव ठाकरेंनीच (uddhav thackeray) त्यांना दंगल घडविणेबाबतचे आदेश दिले होते असा आराेप राणेंनी ठाकरेंवर केला.

राणे म्हणाले दंगल घडविण्यात उद्धव ठाकरेंचा हात होता. हा दुसरा पुरावा आहे. ज्या उद्धव ठाकरेंनी आदेश दिले. त्या उद्धव ठाकरेंची चौकशी झाली पाहिजे अशी मागणी राणेंनी केली. राणे म्हणाले उद्या राम भक्तांना काय गालबोट लागलं तर जबाबदार उद्धव ठाकरे असणार असेही राणेंनी नमूद केले.

संजय राऊत हे उबाठा सेनेची किती वाट लावणार ह्याला मर्यादा नाहीत. राऊत जेवढे थोबाड उघडणार तेव्हा उद्धव ठाकरे हे खड्ड्यात जाणार. केसरकर म्हणाल्या प्रमाणे संजय राऊत यांच्यामुळे उद्धव ठाकरे आणि मोदी भेट झाली नाही. राऊत विधानसभा अध्यक्षांवर प्रभाव टाकत आहेत. याची दखल न्यायालयाने घ्यावी असेही राणेंनी म्हटले.

राऊत यांचे वेळपत्रक ठरलेले आहे. त्यांच्या कुटुंबातील एक माणूस आणि ते दिवाळीत जेल मध्ये जाणार असे भाकित राणेंनी केले. काेविडच्या घाेटळ्यात जेलची हवा खाणार असल्याचे सांगत त्यांची खासदारकी राहणार नाही असेही राणेंनी म्हटले. हिम्मत असेल तर 24 तासासाठी संरक्षण सोड मग जुने शिवसेनेचे कार्यकर्ते त्यांचे कपडे काढून गाढवावरून धिंड काढतील असे देखील राणेंनी राऊतांना उद्देशून म्हटले.

ज्याला बाळासाहेब कळले नाहीत. ज्यांच्या सोबत बाळासाहेबांनी युती केली नाही त्यांचे गोडवे आता राऊत गात आहे. हा त्यांच्या प्रेमात पडला आहे. येणाऱ्या निवडणूकी नंतर उबाठा नावाची सेना शिल्लक राहणार नाही असे राणेंनी नमू केले.

Edited By : Siddharth Latkar