बुलढाणा जिल्ह्यात उद्यापासून (ता. ७ मार्च) रविकांत तुपकर (ravikant tupkar) यांच्या 'निर्धार परिवर्तन अभियान' (nirdhar parivartan yatra) याला प्रारंभ हाेणार आहे. या अभियानाअंतर्गत पुढील ८ दिवस रविकांत तुपकर यांचे शिलेदार बुलढाणा लोकसभा मतदारसंघातील (buldhana lok sabha constituency) प्रत्येक गावात जावून गावातील प्रत्येक नागरिकांशी संवाद साधणार आहेत. (Maharashtra News)
चिखली येथील मौनीबाबा संस्थान येथे घाटावरील प्रमुख पदाधिकारी व समर्थकांची बैठक नुकतीच झाली. या बैठकीस माेठ्या संख्येने शेतकरी देखील उपस्थित हाेते. रविकांत तुपकर म्हणाले मला नागरिकांचा वाढता पाठिंबा मिळू लागला आहे. त्यामुळे लोकसभा निवडणूकीत निश्चित परिवर्तन हाेईल.
आता 'एक नोट एक वोट' या नुसार जिल्ह्यात परिवर्तन घडविण्याचा निर्धार केल्यानेच विरोधकांच्या पायाखालची वाळू सरकली आहे. यावेळी उपस्थितांनी तन-मन-धनाने आम्ही तुमच्या सोबत आहोत असे पदाधिकारी, कार्यकर्त्यांनी नमूद केले.
'निर्धार परिवर्तन अभियान' ७ मार्च पासून हे सुरू होणार आहे. या अभियानांतर्गत पुढचे सात दिवस रविकांत तुपकर यांचे समर्थक प्रत्येक गावात पोहोचणार आहेत. नागरिकांशी संवाद साधून त्यांच्या समस्या जाणून घेणार आहेत. आगामी लोकसभेत परिवर्तनाचा निर्धार या अभियानात केला जाणार आहे.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
Edited By : Siddharth Latkar
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.