Rohit Patil : किदरवाडी ग्रामपंचायत निवडणूकीत एनसीपीचे नेते राेहित पाटील यांच्या नेतृत्वाखाली एक हाती सत्ता मिळवली आहे. एनसीपीचे रोहित पाटील यांच्या पॅनलच्या सातही उमेदवार निवडून आले आहे. या निवडणुकीत भाजपचे खासदार संजय काका पाटील (Sanjay Kaka Patil) यांच्या पॅनलचा धुव्वा उडाला आहे. (Gram Panchayat Election Result 2022)

सांगलीच्या कवठेमहांकाळ नगरपरिषद जिकल्या नंतर राष्ट्रवादी काँग्रेसच्या रोहित आर आर पाटील (rohit patil) यांनी भाजपच्या खासदार संजय काका पाटील याना पुन्हा एकदा ग्रामपंचायत निवडणुकीत धक्का दिला आहे. किदरवाडी ग्रामपंचायत निवडणूकीत राष्ट्रवादीच्या रोहित आर आर पाटील यांच्या पॅनलंनं विजय मिळविला आहे.

सांगली जिल्ह्यातील एकमेव किदरवाडी ग्रामपंचायतच्या निवडणुकीची आज मतमोजणी शांततेत पार पडली. राष्ट्रवादी काँग्रेस पक्षाचे रोहित आर आर पाटील यांचे पॅनल विरुद्ध भाजपचे खासदार संजय काका पाटील यांच्या पॅनलमध्ये सरळ लढत होती. या निवडणुकीत दोघांची प्रतिष्ठा पणास लागली होती. यात रोहित पाटील यांनी बाजी मारली आहे.

Edited By : Siddharth Latkar