विजय पाटील, सांगली प्रतिनिधी

Idris Nayakwadi Death Threat : राष्ट्रवादी काँग्रेस पक्षाचे (अजित पवार गट) आमदार इद्रिस नायकवडी यांना जीवे मारण्याची धमकी देण्यात आली आहे. अज्ञातांनी पत्र पाठवून ही धमकी दिली असून, "समान नागरी कायद्याला (Uniform Civil Code Maharashtra update) विरोध केलात तर तुम्हाला खलास करू," असे त्यात म्हटले आहे. पत्रामुळे राजकीय वर्तुळात खळबळ उडाली आहे. धमकी देणाऱ्या व्यक्तीची ओळख अद्याप स्पष्ट झालेली नाही. पोलिसांनी या प्रकरणाचा तपास सुरू केला आहे.

(NCP MLA Maharashtra news)

राज्यामध्ये समान नागरी कायदा लागू करण्यास आमदार नायकवडी यांचा विरोध आहे. एवढेच नव्हे तर, राष्ट्रवादीचे प्रदेशाध्यक्ष सुनील तटकरे (Sunil Tatkare UCC statement) यांना पत्र लिहून त्यांनी या कायद्याबाबत पक्षाची भूमिका स्पष्ट करण्याचे आवाहनही केले होते. यावरूनच, समान नागरी कायद्यास विरोध केल्यास जीवे मारण्याची धमकी देण्यात आली आहे. (Idris Nayakwadi death threat)

याप्रकरणी आमदार नायकवडी यांनी मिरज शहर पोलीस (Miraj police latest news) ठाण्यात गुन्हा दाखल केला असून, पोलीस अधिक तपास करत आहेत. दरम्यान, आमदार नायकवडी यांना मिळालेल्या या धमकीमुळे राजकीय वर्तुळात एकच खळबळ उडाली आहे. पत्र कुणी पाठवले? याचा तपास पोलिसांकडून करण्यात येत आहे.