Buldhana News : केंद्र शासनाने व उद्योगपतींशी संगनमत करून शेतमालाचे भाव पाडले असा आराेप आज (बुुधवार) राष्ट्रवादी काँग्रेसच्या (शरद पवार गट) पदाधिका-यांनी बुलढाणा (NCP Buldhana) येथे केला. सरकारने शेतक-यांना तातडीने न्याय द्यावा अन्यथा राज्यभर आंदाेलन छेडू असा इशारा नरेश शेळके (कार्याध्यक्ष, राष्ट्रवादी काँग्रेस) यांनी दिला. (Maharashtra News)

नरेश शेळके म्हणाले नैसर्गिक व सुलतांनी संकटाने शेतकरी मेटाकुटीस आला आहे. आता केंद्र शासनाच्या चुकीच्या धोरणामुळे कापूस, साेयाबीन उत्पादक शेतकरी आर्थिक अडचणीत आला आहे. शासन शेतक-यांप्रती काेणतीच काळजी घेत नसल्याचे दिसून येत आहे.

शेळके पुढे म्हणाले राज्यातील खरीप पिक असलेले सोयाबीन व कापूस या पिकाचे भाव केंद्र शासनाने उद्योगपतींशी हात मिळवणी करून पाडले. त्यामुळे शेतकरी आर्थिक अडचणीत आला आहे. या शेत मालाच्या भाव वाढीसाठी तातडीने प्रयत्न करावेत अन्यथा राज्यभर रस्त्यावर उतरून आंदोलन करू असा इशारा देखील शेळकेंनी दिला.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

राज्यात ड्रग्ज आणि अन्य बेकायदेशिर व्यवसाय माेठ्या प्रमाणात फाेफावले आहेत. राज्यातील कायदा व सुव्यवस्था बिघडली आहे. बुलढाणा जिल्ह्यात अवैध व्यवसायांवर निर्बंध लावावेत अन्यथा राष्ट्रवादी काँग्रेस (शरद पवार गट) आंदाेलन छेडेल असा इशारा कार्याध्यक्ष नरेश शेळके यांनी दिला आहे. त्याबाबतचे निवेदन शेळकेंनी जिल्हाधिकारी किरण पाटील यांना दिले.

Edited By : Siddharth Latkar