Jayant Patil News : राज्यातील शिंदे-फडणवीस सरकारला शेतकऱ्यांची काळजी नाही तर त्यांना उद्योगपतींची जास्त काळजी आहे. त्यामुळेच अर्थकारणातील अंतर वाढू लागले आहे. उद्योगपती अधिक श्रीमंत होत आहेत तर सर्वसामान्य जनता गरीब होत चालली आहे, अशी टीका राष्ट्रवादीचे प्रदेशाध्यक्ष जयंत पाटील यांनी केली आहे. (Latest Marathi News)

राष्ट्रवादी काँग्रेसचे प्रदेशाध्यक्ष जयंत पाटील (Jayant Patil) हे आज पंढरपुरात आले होते. यावेळी त्यांनी राष्ट्रवादीचे नेते कल्याण काळे यांनी वाडीकुरीली येथे आयोजित केलेल्या शेतकरी मेळ्याव्याला हजेरी लावली. यावेळी शेतकऱ्यांच्या प्रश्नावर बोलताना त्यांनी शिंदे-फडणवीस सरकारवर चांगलंच टीकास्त्र सोडलं आहे.

काय म्हणाले जयंत पाटील

शेतकऱ्यांच्या उत्पन्नाचे सर्वेक्षण होतं आणि ते लोकसभेत मांडले जाते. मागील पाच वर्षाचा आढावा घेतला तर त्यात असं दिसतं आहे की भारतातील शेतकऱ्याचं उत्पन्न दीड ते दोन टक्यांनी घटल्याचे स्पष्ट करण्यात आले आहे. त्यामुळे ठराविक लोक श्रीमंत होत आहेत. श्रीमंती आणि गरीबीमध्ये जमीन आसमानचा फरक पडू लागला आहे, असं जयंत पाटील म्हणाले.

पुढे बोलताना जयंत पाटील म्हणाले, की राज्यातील शिंदे-फडणवीस सरकारला शेतकऱ्यांची काळजी नाही तर त्यांना उद्योगपतींची जास्त काळजी आहे. त्यामुळेच अर्थकारणातील अंतर वाढू लागले आहे. उद्योगपती अधिक श्रीमंत होत आहेत तर सर्वसामान्य जनता गरीब होत चालली आहे, अशी टीकाही जयंत पाटील यांनी केली आहे.

Edited By - Satish Daud