भुषण अहिरे, साम प्रतिनिधी

अजित पवार गट राष्ट्रवादीचे नेत्यावर धारदार शस्त्राने प्राणघातक हल्ला झाला आहे. धुळे जिल्ह्यातील कुसुंबा येथील माजी जिल्हा अध्यक्ष किरण एकनाथ शिंदे यांच्यावर हल्ला झाला आहे. किरण शिंदे हे साखरपुड्याच्या कार्यक्रमात गेले होते त्यावेळी त्यांना मारझोड झाली. त्यावेळी तर एकाने पाठीमागून त्यांच्यावर धारदार शस्त्राने प्राणघातक हल्ला केला. याप्रकरणी तालुका पोलीस ठाण्यात तक्रार दाखल करण्यात आली आहे.

हाती आलेल्या माहितीनुसार, किरण एकनाथ शिंदे आणि त्यांचे सहकारी गोताणे येथे साखरपुड्याच्या कार्यक्रमात गेले होते. त्यावेळी तेथे काही व्यक्तींनी त्यांच्यावर अचानक हल्ला केला. यादरम्यान एकाने पाठीमागून एकाने धारदार शस्त्राने प्राणघातक हल्ला केला. दरम्यान सहकाऱ्यांनी तत्काळ तत्परता दाखविल्याने किरण शिंदे हे बचावले.

पूर्ववैमनस्यातून अजित पवार गटाचे नेते किरण शिंदे यांच्यावर हल्ला झाला अशी माहिती त्यांनी दिली आहे. याप्रकरणी त्यांनी धुळ्यातील तालुका पोलीस स्टेशनमध्ये तक्रार दाखल केली असून संबंधितांवर कठोर कारवाई करावी, अशी मागणी त्यांनी केली आहे.

जळगाव शहरात भाजपच्या माजी नगरसेवकाची हाणमारी

शहरातील शनी पेठ पोलीस ठाण्यात भाजपचा माजी नगरसेवकांचा गट आणि युवकांच्या गटात तुफान राडा झाल्याची घटना शनिवारी घडली होती. पोलीस ठाण्यातील गुन्हे शोध पथकाच्या रूमध्येच हाणामारी झाली होती. या दोन्ही गटातील वादाला महापालिकेच्या निवडणुकीची किनार असल्याचं सांगितलं जात आहे.

जळगाव येतील वाल्मिक नगरमध्ये भाजपचे माजी नगरसेवक कैलास सोनवणे यांच्या कार्यकर्त्यांचा समोरच्या एका युवकांच्या गटाशी वाद झाला होता. या वादाची तक्रार देण्यासाठी माजी नगरसेवक शनी पेठ पोलीस ठाण्यात दाखल झाले होते. माजी नगरसेवकाबरोबर यावेळी पाच-सहा कार्यकर्ते होते. त्यावेळी या माजी नगरसेवकांनी युवकाना मारहाण सुरू केली. यानंतर युवकांच्या गटातील काही जण आक्रमक झाले.