अमरावती : बडनेरा मतदार संघाचे आमदार रवी राणा यांच्या युवा स्वाभिमान पार्टी तर्फे दरवर्षी प्रमाणे यंदाही मकर संक्रांतीच्या निमित्याने पतंग महोत्सवाचे आयोजन करण्यात आले. स्थानिक न्यू हायस्कुल बेलपुरा शाळेच्या खुल्या मैदानात आयोजित करण्यात आलेल्या या पतंग महोत्सवात लहान मुलांना पतंग व तिळगुळाचे वाटप करण्यात आले. यावेळी जिल्ह्याच्या खासदार नवनीत राणा या सुद्धा सहभागी झाल्या होत्या. मकरसंक्रांतीच्या निमित्याने यंदाही युवा स्वाभिमान पार्टी तर्फे आयोजित पतंग महोत्सवात शेकडो लहान मुलं-मुली सहभागी झाले.

हे देखील पहा :

यावेळी राणा दांपत्याने देखील पतंगबाजीचा आनंद लुटला. प्रा.अजय मोरया,माजी नगरसेविका जयश्री मोरया यांनी अत्यंत शिस्तबद्ध रीतीने आयोजित केलेल्या कार्यक्रमात शेकडो लहान मुला मुलींना पतंग, धागा व चक्कर वाटप करण्यात आले.सोबतच प्रत्येकाला तिळगूळ लाडूचे वाटप करण्यात आले. उंच उडणाऱ्या पतंगाप्रमाणे प्रत्येकाचा विकास व्हावा व सर्वांच्या आयुष्यात तिळगुळाचा गोडवा निर्माण होऊन सर्वांचे कल्याण व्हावे अश्या शुभेच्छा यावेळी खासदार नवनीत राणा व आमदार रवी राणी यांनी नागरिकांना दिल्या.

आमदार रवी राणा व खासदार नवनीत राणा यांनी आपले चिरंजीव रणवीर व इतर लहान बालकांसोबत १५ फूट मोठी पतंग उडवून पतंगबाजी व पेचलडाईचा आंनद घेतला. यावेळी समाजसेवक लप्पी सेठ जाजोदिया, प्रा.अजय मोरया,जयश्री मोरया, जयंतराव वानखडे, युवा स्वाभिमान जिल्हाध्यक्ष जितू दुधाने, शैलेंद्र कस्तुरे, जिल्हा संघटक अभिजित देशमुख, निलेश भेंडे, पराग चिमोटे, अजय बोबडे, सुधीर लवणकर, मंगेश कोकाटे, सचिन सोनोने आदी उपस्थित होते.

Edited By : Krushnarav Sathe