तबरेज शेख

नाशिक : नाशिकच्या गंगापूर रोडवरील शहीद सर्कल येथे ईपीएफ पेन्शन धारकांनी ९ हजार रुपये पेन्शन महागाई भत्त्यासह देण्याच्या (Nashik News) मागणीसाठी थाळीनाद आंदोलन केले. यामुळे परिसर दणाणून गेला होता. (Maharashtra News)

केंद्रीय राज्यमंत्री डॉ. भारती पवार यांच्या घराकडे निघालेल्या या ज्येष्ठ नागरिकांना पोलिसांनी रस्त्यातच अडवले. त्यानंतर ह्या आंदोलक जेष्ठ नागरिकांनी रस्त्यातच ठिय्या मांडला. नऊ वर्षांपासून केंद्र सरकार आमच्या मागणीकडे दुर्लक्ष करत असल्याचा आरोप आंदोलकांनी केला.

सरकारला जागा दाखवू

नाशिकचे दोन्ही खासदार लोकसभेत पेन्शन धारकांचा विषय मांडत नसल्याचा देखील आरोप करण्यात आला. जर आमची मागणी मान्य झाली नाही. तर २०२४ मध्ये या सरकारला त्यांची जागा दाखवून पुन्हा सत्तेवर येऊ न देण्याचा इशारा देण्यात आला.