अजय सोनवणे 

मनमाड (नाशिक) : लोकप्रदिनीधींना निवडून दिल्यानंतर देखील मागण्या पूर्ण होत नाही. हि परिस्थिती सर्वत्र पाहण्यास मिळते. या समस्या दूर करण्यासाठी (election) निवडणुकीवर बहिष्कार टाकण्याचे काम अनेक गावात ग्रामस्थांनी केले आहे. अशाच प्रकारे (Nashik) नाशिक जिल्ह्यातील कळमदरीच्या ग्रामस्थांनी मेणबत्ती पेटवून मतदान न करण्याची शपथच घेतली आहे.  

नाशिक जिल्ह्यातील नांदगाव (Nandgaon) तालूक्यातील कळमदरी गावातील आदिवासी ग्रामस्थांनी आपल्या विविध मागण्यांसाठी लोकसभा निवडणूकीवर बहिष्कार टाकण्याचा निर्णय घेतला आहे. यावेळी ग्रामस्थांनी मेणबत्ती पेटवत कुठल्याही आमदार, खासदाराने मत मागण्यासाठी येऊ नये; अशी शपथ ग्रामस्थांनी घेतली. (Lok Sabha Election) कळमदरी हे दिंडोरी मतदार संघात येत असून यापूर्वी जामदरी येथिल आदिवासी नागरीकांनी बहिष्कार टाकण्याचा निर्णय घेतला आहे.

या आहेत समस्या 

२०२३ पासून पिक विमा मिळालेला नाही, कळमदरी गावातील जिल्हा परिषद नवीन इमारत मिळालेली नाही. कळमदरी ते गिरणा धरण रस्ता दुरुस्त झालेला नाही. चार महिन्यापासून आदिवासी बांधवांचे जातीचे दाखले व रेशन कार्ड अजूनही मिळाले नाही; या मागण्यांसाठी ग्रामस्थांनी बहिष्काराचे हत्यार उपसले आहे.