नाशिक : नाशिकच्या विमानतळावरून देशांतर्गत सुरु असलेली विमान सेवा आता वाढणार आहे. देशांतर्गतच नाही तर आता हि विमानसेवा आंतरराष्ट्रीय विमानांचे देखील उड्डाण नाशिकच्या विमानतळावरून होणार आहे. पुढील महिन्यात अर्थात १२ सप्टेंबरपासून आंतरराष्ट्रीय विमानांचे उड्डाण सुरु होणार आहे. हि विमानसेवा सुरु होत असल्याने नाशिकसाठी निश्चितच फायद्याची ठरणारी असेल. 

नाशिकच्या (Nashik) ओझर येथील विमानतळावरून आतापर्यंत देशातील प्रमुख शहरांसाठी विमानांचे उड्डाण होत होते. मात्र आता नाशिककरांसाठी आनंदाची बातमी असून १२ सप्टेंबरपासून (Airport) नाशिकहून आंतरराष्ट्रीय विमानसेवा कनेक्टिंग होत आहे. नाशिकच्या ओझर विमानतळावरून १२ सप्टेंबरपासून दिल्ली आणि बंगळुरू मार्गे आंतरराष्ट्रीय विमानसेवा सुरु होत आहे. या ठिकाणाहून अबू धाबी, बँकॉक, न्यूयॉर्क, दुबई, लंडन, सिडनी, सिंगापुरसह अनेक देशात विमानसेवा सुरु करण्यात येत आहे. 

उद्योग, पर्यटनाला चालना 

आंतरराष्टीय विमानसेवा सुरु होण्यासोबतच देशांतर्गत विमानसेवा देखील वाढणार आहे. यात सप्टेंबरपासून जम्मू, श्रीनगर, चंदीगड, अमृतसर, वाराणसी, जयपूरसह अनेक ठिकाणी विमानसेवा सुरु करण्यात येत आहे. इंडिगो एअर लाईन कंपनीकडून नाशिकहून देशातील अनेक प्रमुख शहरात विमानसेवा सुरु केली जात आहे. नाशिकची हवाई कनेक्टिव्हिटी वाढणार असल्याने आता नाशिकमधील उद्योग, पर्यटनासह अन्य क्षेत्रातील वाढीला चालना मिळणार आहे.