तबरेज शेख 

नाशिक : विधानसभा निवडणुकीच्या रणधुमाळीत नाराजीनाट्य अद्याप थांबण्याचे नाव घेत नाही. अशात नाशिक मध्य विधानसभा मतदारसंघातील ठाकरे आणि काँग्रेसच्या वादात काँग्रेसने घेतला मोठा निर्णय घेतला आहे. या निर्णयामुळे महाविकास आघाडीमध्ये बिघाडी होण्याची शक्यता वर्तविली जात आहे. 

महाविकास आघाडीकडून नाशिक (Nashik) मध्य विधानसभा मतदारसंघाची जागा शिवसेना ठाकरे गटाला सुटली आहे. या मतदारसंघात वसंत गीते यांना उमेदवारी देण्यात आली आहे. मात्र मध्य विधानसभा मतदारसंघावर काँग्रेसने केलेला दावा अद्याप सोडले नाही. यामुळे महाविकास आघाडीतील (Mahavikas Aaghadi) हा वाद उफाळून येण्याची शक्यता आहे. दरम्यान आज काँग्रेसने निर्धार मेळावा घेतला असून या मेळाव्याच्या दरम्यान काँग्रेसच्या वरिष्ठ नेत्यांसोबत बोलून काँग्रेस मैत्रीपूर्ण लढत लढण्यास तयार असल्याचं शहराध्यक्ष आकाश छाजेड यांनी म्हटले आहे. 

तसेच जागेबाबत चर्चा सुरू असून कोणत्याही परिस्थितीत निवडणूक लढवणार असल्याचे मत काँग्रेसचे इच्छुक उमेदवार राहुल दिवे यांनी सांगितले. त्यामुळे नाशिक शहरात मध्याचे जागेवरून माविकास आघाडीमध्ये बिघाडी होण्याची शक्यता निर्माण झाली आहे. आता चर्चेनंतर काँग्रेस काय भूमिका घेणार याकडे लक्ष लागून आहे.