नाशिक: नाशिक (Nashik) जिल्ह्यातील येवला तालुक्यातील चिचोंडी येथील आद्योगिक वसाहत परिसरात काल (मंगळवारी) एका अफगाणी युवकाची गोळ्या झाडून हत्या झाल्याची घटना समोर आली आहे. ही घटना सायंकाळी सात वाजण्याच्या सुमारास घडली. सुफी ख्वाजा सय्यद जरीब चिस्ती अस या अफगाणी युवकाचे नाव आहे. घटनास्थळावरून चौघा अज्ञात इसमांनी चारचाकी गाडी घेऊन पोबारा केला आहे.

पोलिसांनी (Police) दिलेली माहिती अशी, मंगळवारी सायंकाळी ७ वाजण्याच्या सुमारास ही हत्या झाली. ही हत्या गोळ्या झाडून झाली आहे, सुफी ख्वाजा सय्यद जरीब चिस्ती अस या अफगाणी युवकाचे नाव आहे. घटनास्थळावरून चौघा अज्ञात इसमांनी चारचाकी गाडी घेऊन पोबारा केला आहे.

या घटनेची माहिती येवला शहर पोलिसांना मिळताच शहर पोलीस ठाण्याचे पोलीस निरीक्षक भगवान मथुरे तसेच पथकाने घटनास्थळी धाव घेतली. घटनास्थळाचा पंचनामा केला. दरम्यान या अफगाणिस्तानी नागरिकाची चिचोंडी एमआयडीसी परिसरात हत्या का झाली? कशासाठी झाली? घटनास्थळी एका भूखंडावर नारळ फोडून, अगरबत्ती लावून, कुंकू डबी मिळून आली आहे. पूजेचा प्रकार कशासाठी करण्यात आला होता. या सर्व बाबी गुंतागुंतीच्या असून पोलीस त्याचा शोध घेत आहे.

रात्री उशिरा फॉरेन्सिक लॅब तज्ञांनाही पाचारण करण्यात आले होते. खून झालेल्या युवकाबरोबर असलेला त्याचा मित्र गफार आणि आणखी एकाला पोलिसांनी (Police) ताब्यात घेतले असून पोलीस मारेकऱ्यांचा शोध घेत आहेत.