तबरेज शेख

Nashik News: देशभरात एक महिन्याच्या कठोर उपवसानंतर आज मुस्लिम समाजातील बांधव मोठ्या उत्साहात ईद साजरी करत आहेत. अनेकांनी एकमेकांना भेटून ईदच्या शुभेच्छा दिल्या आहेत. नाशिक शहरातही सर्वत्र मुस्लिम बांधवांनी एकमेकांना ईदच्या शुभेच्छा दिल्या आहेत. दुसरीकडे मात्र नाशिकमधून एक दुर्देवी घटना समोर आली आहे. (Latest Marathi News)

नाशिकमध्ये ईदच्या दिवशीच एक धक्कादायक घटना घडली आहे. नाशिकच्या गंगापूर धरणात बुडून अल्पवयीन मुलाचा मृत्यू झाल्याची घटना घडली आहे. या दुर्दैवी घटनेत १४ वर्षीय मुलाचा बुडून मृत्यू झाला आहे. शेहबाज नेहमत अली खान असे मृत मुलाचे नाव आहे. या घटनेने परिसरात एकच खळबळ उडाली आहे.

नेमकं काय घडलं?

नाशिक शहरातही सर्वत्र मुस्लिम बांधवांकडून ईद साजरी केली जात आहे. या ईदच्या निमित्ताने शेहबाज आणि त्याचे मित्र घराबाहेर पडले. नाशिकमधील हे पाच जण ईदनिमित्त गंगापूर धरणावर फिरायला गेले.

धरण परिसरात गेलेल्या या पाच जणांपैकी एकाचा दुर्दैवाने बुडून मृत्यू झाल्याची घटना घडली. या दुर्घटनेत 14 वर्षीय शेहबाज नेहमत अली खान या अल्पवयीन मुलाचा बुडून मृत्यू झाला.

5 मुले ईद निमित्त नाशिकच्या गंगापूर धरणावर फिरायला गेले होते. यातील एका तरुणाचा मृत्यू तर बाकी 4 तरुण सुखरूप बचावले आहेत. धरण परिसरात गेलेले मुले हे नाशिकच्या विहितगाव परिसरातील रहिवासी आहेत.

या मुलांनी गुगलवर सर्च करून गंगापूर धरण शोधलं. या दुर्घटनेत 14 वर्षीय शेहबाज मृत्यू झाल्याने त्याच्या कुटुंबावर दु:खाचा डोंगर कोसळला आहे. या दुर्देवी घटनेने परिसरात एकच शोककळा पसरली आहे.