राज्यात २ डिसेंबर रोजी नगरपरिषद आणि नगरपंचायत निवडणुका पार पडल्या. या निवडणुकांचा आज सकाळी १० वाजल्यापासून निकाल सुरु आहे. नाशिक जिल्ह्यातील ११ पैकी ११ जागांचा निकाल आता समोर आला असून शिंदेंच्या शिवसेनेचा सर्वाधिक विजय झाला आहे. ११ पैकी तब्बल ५ जागांवर शिंदेंच्या शिवसेनेचे नगराध्यक्ष निवडून आला आहे. तर भाजप आणि अजित पवारांची राष्ट्रवादी दुसऱ्या स्थानी आहे.

नाशिकमध्ये अजित पवारांच्या राष्ट्रवादीला आणि भाजपला प्रत्येकी ३ नगराध्यक्षपदाच्या जागांवर विजय मिळवण्यात यश आले आहे. तर शिंदेंच्या शिवसेने ११ पैकी तब्बल ५ जागांवर विजय मिळवत ११ पैकी एकही नगराध्यक्ष पदाची जागा राखता न आल्याने महाविकास आघाडीचा नाशिकच्या नगरपरिषद निवडणुकीत सुपडा साफ झाला आहे. दरम्यान नाशिकच्या बालेकिल्ल्यात शिंदेंच्या शिवसेनेच्या धनुष्यबाणाचा विजयी झेंडा फडकला आहे. तसेच शिंदे गटाच्या कार्यकर्त्यांमध्ये सर्वत्र आनंदाचे वातावरण पाहायला मिळत आहे.

नाशिक जिल्ह्यात कोणत्या पक्षाचे किती नगरसेवक निवडून आले?

जिल्ह्यातील एकूण नगराध्यक्षपदं – ११

भाजप - ३

शिंदेंची शिवसेना - ५

अजित पवार राष्ट्रवादी - ३

काँग्रेस - ००

ठाकरेंची शिवसेना - ००

शरद पवार राष्ट्रवादी - ००

इतर – ००

नाशिक जिल्हा ११ नगर परिषद निकाल

• भगूर - अजित पवारांची राष्ट्रवादीच्या प्रेरणा बलकवडे विजयी

• येवला - अजित पवारांच्या राष्ट्रवादीचे राजेंद्र लोणारी विजयी

• सिन्नर - अजित पवारांच्या राष्ट्रवादीचे विट्ठलराजे उगले विजयी

• नांदगाव - शिंदेंच्या शिवसेनेचे सागर हिरे विजयी

• इगतपुरी - शिंदेंच्या शिवसेनेच्या शालिनी खातळे विजयी

• सटाणा - शिंदेंच्या शिवसेनेच्या हर्षदा पाटील विजयी

• त्र्यंबकेश्वर - शिंदेंच्या शिवसेनेच्या त्रिवेणी तुंगार विजयी

• मनमाड - शिंदेंच्या शिवसेनेचे योगेश पाटील विजयी

• चांदवड - भाजपचे वैभव बागुल विजयी

• पिंपळगाव बसवंत - भाजपचे डॉ. मनोज बर्डे विजयी

• ओझर - भाजपच्या अनिता घेगडमल विजयी