महाराष्ट्राच्या राजकारणात कवा, कधी आणि कशी कुणाची इंट्री हुईल सांगता येत नाय. आता थेट डोनाल्ड तात्या राज्याच्या राजकारणात इंट्री करायला लागल्यात. ती पण नाशकातला सगळ्यात जटिल प्रश्न सोडवून. अन् ती हाय पालकमंत्री पदाचा. हाय का नाय डोक्याला कुटाणा. आता तुम्ही म्हणाल ही काय मोठी भानगड. ऐका आधी भुसे मामा काय म्हणत्यात....

आता एवढा कुटाना वाढला कशापाई तर सांगतू ऐका.राज्यात माहायुतीचं सरकार आलं. पालकमंत्र्याच्या याद्या ठरल्या. नाशिकची माळ पडली महाजन मामाच्या काकाच्या गळ्यात. दादा भुसे फुगून टम्म... महायुतीतला गोडवा टिकावा म्हणून महाजनांनी एक पाय मागे घेतला. तेवढ्यात झाली भुजबळ नानाची एंट्री.. नाना म्हणाले जिल्ह्यात आमचा आमदार जास्त. मंत्रीपद आम्हालाच पाहिजी.. दोघात तिसरा आता सगळी ईसरा... तवा पासून पालकमंत्री पदाचा घोंगडं भिजत पडलंय ती अजून तसंच आहे. आता वाद पोहोचलाय डोनाल्ड तात्याच्या चावडीवर.

युक्रेन रशियाचा वाद असंल...नाहीतर इजराइल हमास यांच्यातलं युद्ध असंल.. आपलं डोनाल्ड तात्या तिथे हजर. विषय गंभीर असला का डोनाल्ड तात्या खंबीर झालं म्हणून समजा... तात्यांना तेवढा वाद सोडवावा मजी झालं. मग काय पुढच्या वेळीच शांततेचा नोबल पुरस्कार तात्यालाच समजा