नाशिक: नाशिकमध्ये दररोज महिला अत्याचाराच्या घटना वाढत असताना दिसत आहेत. आता रस्त्यावरून चालणाऱ्या तरुणीचं दिवसाढवळ्या अपहरण करण्याचा प्रयत्न नाशिकमध्ये (Nashik) केला आहे. काकांसोबत पायी जाणाऱ्या तरुणीची छेड काढत अपहरणाचा करण्याचा प्रयत्न काही तरुणांनी केला आहे. नाशिकच्या मार्केट यार्ड परिसरात ही घटना घडली आहे. मुलीच्या काकांनी गुंडांशी दोन हात करण्याचा प्रयत्न देखील केला. (Latest Nashik News In Marathi)

मुलीने आरडा ओरडा करताच पोलीस कर्मचारी धावून आल्याने अपहरणाचा डाव फसला आहे. पोलीस ठाण्यासमोरच घडलेल्या घटनेने शहरात एकच खळबळ उडाली आहे. पोलिसांनी दोन जणांना ताब्यात घेतलं आहे. अपहरण, चेन स्नॅचिंग, विनयभंगाच्या घटनांमुळे महिलांमध्ये भीतीचं वातावरण नाशिकमध्ये पसरताना दिसत आहे.

Edited By: Pravin Dhamale