तबरेज शेख 
नाशिक : शेतीसाठी लागणाऱ्या साहित्याची चोरी झाल्याची घटना घडली होती. या प्रकरणी तिघा अज्ञातांविरुद्ध तक्रार दाखल करण्यात आली होती. मात्र दुसऱ्या दिवशी पुन्हा एकदा चोरीचा प्रयत्न केला जात असताना स्थानिक नागरिकांनी तिघांना पकडत बेदम मारहाण करण्यात आल्याची घटना दिंडोरीच्या खतवड येथे घडला आहे. यात तिघेजण गंभीर जखमी झाले आहेत. 

नाशिक जिल्ह्यातील दिंडोरी पोलीस ठाणे हद्दीतील खतवड येथे शेतीसाठी लागणाऱ्या साहित्यांच्या दुकानात तिघा अज्ञातांनी चोरी करण्याची तक्रार दिंडोरी पोलीस ठाण्यात दाखल करण्यात आली होती. तर काल रात्रीच्या सुमारास दिंडोरी पोलीस ठाण्याच्या हद्दीत पुन्हा एक दुकान आणि गॅरेजच्या परिसरात चोरीचा प्रयत्न करण्यात आला. याची माहिती ग्रामस्थांना समजली. यानंतर ग्रामस्थांनी तिघांना पकडले. 

तिघांना केली बेदम मारहाण 

मात्र चोरीचा प्रयत्न करणारे तिघांना पकडून स्थानिक नागरिकांनी बेदम मारहाण केली. या मारहाणीत तिघेही गंभीर जखमी झाले आहेत. या बाबात दिंडोरी पोलिसांना माहिती देण्यात आली. यानंतर पोलिसांनी गावात येत तिघांनाही गावकऱ्यांच्या तावडीतून सोडवत ताब्यात घेतले. यानंतर त्यांना नाशिकच्या जिल्हा रुग्णालयात उपचारासाठी दाखल करण्यात आलं. तिघांवर उपचार करण्यात आले. 

रुग्णालयातून झाले फरार 

पोलिसांनी तिघांना उपचारासाठी रुग्णालयात दाखल केले होते. याठिकाणी उपचार केल्यानंतर तेथेच दाखल होते. दरम्यान हे तिघे जण  दिंडोरी परिसरात विविध ठिकाणी चोरी करत असल्याचा संशय त्यांच्यावर आहे. मात्र नाशिकच्या जिल्हा रुग्णालयात उपचार सुरू असतानाही तिघेजण फरार झाले असून दिंडोरी पोलीस त्यांचा शोध घेत आहेत.