तबरेज शेख

नाशिक : बाप आणि मुलीच्या नात्याला काळीमा फसणारा प्रकार सिडको परिसरातील अंबड लिंक रोड चुंचाळे शिवारातील रामकृष्णनगर येथील शिव व्हीला अपार्टमेंट येथे घडला. शाब्दिक वादातून बापाने मुलीचा खून (Crime News) केल्‍याचा प्रकार झाला आहे. (Letest Marathi News)

सिडको परिसरातील रामकृष्णनगरात वास्‍तव्‍यास असलेले संशयित रामकिशोर भारती (वडील) व ज्योती भारती हे घरी होते. या दरम्‍यान त्या दोघांमध्ये शाब्दिक चकमक झाली. यानंतर रामकिशोर भारती यालपा याचा राग अनावर झाल्याने त्याने त्याच्याच मुलीचा म्हणजेच ज्योतीचा घरातील ओढणीच्या सह्याने गळा आवळून खून केला.

मुलगी पळून जात असल्‍याने वाद

सदर मुलगी वारंवार घर सोडून पळून जात असल्याने त्यांच्यात वाद झाले आणि याच वादातून हा प्रकार घडल्याची प्राथमिक माहिती समोर आली आहे. दरम्यान या घटनेची माहिती अंबड पोलिसांना मिळताच त्यांनी तात्काळ घटनास्थळ गाठून संशयित रामकिशोर भारती यास पोलिसांनी ताब्यात घेतले आहे.