तबरेज शेख 
नाशिक : नाशिक शहरात प्राईम लोकेशनवर राहणाऱ्या वृद्ध जोडप्यांच्या घरावर बिल्डरांची नजर होती. हे घर खाली करून देण्यासाठी (Nashik) बिल्डरने सराईत गुन्हेगारांना सुपारी दिली. या वृद्धांच्या घरी दरोडा टाकून मारहाण करून घरातील कागदपत्रे चोरी केल्याची धक्कादायक घटना कॉलेज रोड परिसरात घडली. (Police) पोलीस तपासात ही धक्कादायक माहिती समोर आली असून पोलिसांनी बिल्डरसह तिघांना ताब्यात घेतले आहे. (Maharashtra News)

नाशिक शहरातील कॉलेज रोड परिसरात २३ एप्रिलला तपस्वी बंगल्यात जाऊन रात्रीच्या सुमारास वृद्ध दाम्पत्यास मारहाण करून दोन इसमांनी त्यांच्याकडील दागिने, महत्त्वाचे कागदपत्र,पासपोर्ट चोरून नेल्याची (Crime News) घटना घडली होती. या प्रकरणी गंगापूर पोलिस ठाण्यात गुन्हा दाखल करण्यात आला होता. गुन्ह्याचा तपस नाशिक पोलिसांनी (Nashik Police) करून दोघा संशयितांना ताब्यात घेतले आहे. संदीप रणबावळे, महादेव खंदारे असे ताब्यात घेतलेल्या संशयितांची नाव आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

१० टक्के कमिशनवर दिली सुपारी 

पोलिसांनी त्यांची कसून चौकशी केली असता त्यांनी साथीदार अरुण गायकवाड, नंदकिशोर रणबावळे आणि एक विधी संघर्षित बालक यांच्या साथीनं हा गुन्हा केल्याची कबुली दिली. पोलिसांनी यातील संदीप रणबावळे याची अधिक विचारपूस केली असता धक्कादायक माहिती पोलिसांच्या हाती लागली. एका बिल्डरने या वृद्ध दाम्पत्याकडून घर खाली करून दिल्यास तुम्हाला ८ ते १० टक्के कमिशन देईल; अशी सुपारी दिल्याचं सांगितलं. पोलिसांनी या प्रकरणी एका बिल्डरला अटक केली आहे. त्यांच्याकडून एक दुचाकी, दोन मोबाइल, कागदपत्र असा एकूण १४ लाख ४ हजार रुपयांचा मुद्देमाल हस्तगत केला. नाशिक शहरात बिल्डरकडून लोकांची फसवणूक आणि वृद्ध दाम्पत्यांना गुंड कडून धमकवण्याचे अनेक घटना घडलीय, पुढील कारवाईसाठी त्यांना गंगापूर पोलीस ठाण्यात दाखल करण्यात आल आहे.