सागर निकवाडे

नंदूरबार : नंदुरबार जिल्ह्यातील शहादा तालुक्यातील सारंगखेडा (Sarangkheda) येथील इच्छापूर्ती साईबाबा मंदिरात (Sai Temple) चोरट्यांनी हात साफ केला आहे. मंदिरातील दानपेटीच घेवून चोरटे पसार झाले आहेत. या घटनेमुळे परिसरात खळबळ उडाली. (Live Marathi News)

शहादा तालुक्यातील सारंगखेडा येथील तापी नदीकाठावर साई भक्तांनी भव्य असे साई मंदिर बांधले आहे. मंदिर मोठे असल्याने येथे येणारे भाविक दानपेटीत काही रक्कम टाकत असतात. साई मंदिरात अज्ञात चोरट्यांनी येथील दानपेटी चोरून नेल्याची घटना घडली. हा प्रकार आज सकाळी उघळकीस आला आहे. याबाबत साई मंदिर ट्रस्टचे संचालक यांनी पोलिसात तक्रार दिली आहे. 

साई मंदिरात दर्शनासाठी येत असलेले भाविक मंदिरातील दानपेटीत दान म्हणून रक्कम टाकत असतात. चोरी (Theft) गेलेल्या या दानपेटीत साधारण ६० ते ६५ हजार रुपये असल्याचे सांगण्यात आले आहे.