सागर निकवाडे

नंदुरबार : कापूस खरेदी केंद्रावर शेतकरी कापूस विक्रीसाठी येत आहेत. परंतु नंदुरबार (Nandurbar) जिल्ह्यातील शहादा शहरातील कापूस खरेदी केंद्रावर व्यापाऱ्यांची दादागिरी पाहायला मिळत आहेत. येथे बाजारभावापेक्षा कमी दराने (Cotton) कापूस खरेदी केली जात आहे. याबाबत विचारणा केल्याने व्यापाऱ्याने शेतकऱ्याला मारहाण केल्याचा प्रकार समोर आला आहे. (Maharashtra News)

नंदुरबार जिल्ह्यातील (Shahada) शहादा येथील कापूस खरेदी केंद्रावर व्यापाऱ्यांची मनमानी पद्धतीने कापसाची खरेदी केली जात आहे. बाजारभावापेक्षा २७० रुपये कमीने कापसाची खरेदी केली जात आहे. (Cotton Price) कापसाचा बाजार भाव ७ हजार ७० रुपये असताना देखील शहादा कापूस खरेदी केंद्रावर ६ हजार ८००  रुपयांनी कापसाची खरेदी केली जात आहे. या सोबतच कट्टीच्या नावाखाली प्रतिक्विंटल पाच- दहा किलो कापसाची कपात देखील केली जात आहे. यामुळे शेतकऱ्यांचे (Farmer) मोठ्या प्रमाणात आर्थिक नुकसान होत आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

कारवाईची मागणी 

व्यापाऱ्यांकडून होत असलेल्या मनमानी कारभाराबाबत जाब विचारण्यासाठी शेतकरी व्यापाऱ्यांकडे गेले असता व्यापाऱ्यांकडून शेतकऱ्याला मारहाण करण्यात आलेली आहे. याचा व्हिडीओ देखील व्हायरल झाला आहे. एकूणच हे कापूस खरेदी केंद्रावर व्यापाऱ्यांची दादागिरी पाहायला मिळत आहे. शेतकऱ्याला मारहाण करणाऱ्या व्यापाऱ्यावर कारवाई करण्याची मागणी आता शेतकऱ्यांच्या वतीने करण्यात येत आहे.