सागर निकवाडे 

नंदूरबार : मोटारसायकल व कारची समोरासमोर धडक झाल्याने भीषण अपघात झाला. या अपघातात (Accident) मोटारसायकलस्वार गंभीर जखमी झाला आहे. हा अपघात (Shahada) शहादा- प्रकाशा रस्त्यावर सकाळी घडला असून जखमीला लागलीच उपचारासाठी रुग्णालयात दाखल करण्यात आले आहे. (Maharashtra News)

शहादा- प्रकाशा रस्त्यावरील शहादा शहराजवळ १३२ केव्ही विद्युत वितरण कंपनीच्या सबस्टेशन जवळ मोटरसायकल आणि स्विफ्ट गाडीचा हा भीषण अपघात झाला. सकाळच्या सुमारास रस्त्यावर अधिक रहदारी नसल्याने (Nandurbar) कार व मोटारसायकल दोन्ही वेगाने जात होते. दरम्यान दोन्ही दोघांकडून गाडी कंट्रोल न झाल्याने एकमेकांवर आदळल्या गेल्या. यामुळे दुचाकीस्वार रस्त्यावर फेकला जाऊन यात तो गंभीर जखमी झाला आहे. नागरिकांनी धाव घेत जखमीला लागलीच रुग्णालयात दाखल करण्यात आले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

या ठिकाणी वारंवार अपघात होत असून देखील प्रशासनाच्या वतीने या ठिकाणी उपाययोजना केल्या जात नसल्याने नागरिकांकडून नाराजी व्यक्त केली जात आहे. एकूणच या मार्गावर अपघातांचे प्रमाण वाढलेले आहेत. एकीकडे पोलिसांनी परिवहन विभाग रस्ता सुरक्षा सप्ताह साजरा करत आहे. तर दुसरीकडे जिल्ह्यात रस्ते अपघातांच्या प्रमाणातही वाढ झाल्याने नाराजी व्यक्त होत आहे.