- सागर निकवाडे

Nandurbar News :

वायु आणि ध्वनी प्रदूषण करणाऱ्या वाहनांवर धडक कारवाई करण्याची माेहिम नंदुरबार पाेलिसांनी हाती घेतली आहे. ही कारवाई नंदुरबार वाहतूक शाखा आणि शहर पोलीस ठाणे यांच्याकडून करण्यात आहे. फटाक्याचा आवाज करणारे सायलेन्सर काही वाहनांमध्ये पाेलिसांना आढळले. त्यांच्यावर ही कारवाई करण्यात आली. वाहनधारकांनी सायलेन्सरमध्ये बदल करु नयेत असे आवाहन देखील पाेलिसांनी केले आहे. (Maharashtra News)

पाेलिसांनी केलेल्या आवाहनानूसार ज्या मोटर सायकलला मूळ सायलेन्सर नसून दुसऱ्या कंपनीचे सायलेन्सर आहेत अशा मोटरसायकल चालकांवर कडक कारवाई केली जात आहे. अल्पवयीन मुलांना देखील पालकांनी वाहन चालविण्यास देऊ नये. अन्यथा पालकांवर देखील कारवाई हाेऊ शकते.

नंदुरबार वाहतूक शाखेची पाेलिस नियमबाह्य वाहनांवर आणि नियम ताेडणा-या वाहन चालकांवर कारवाई करीत असल्याने पाेलिस दलाच्या महसूलात मोठ्या प्रमाणात वाढ हाेण्याची शक्यता वर्तवली जात आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

याचे प्रमुख कारण म्हणजे अनेक गाड्यांना चुकीच्या पद्धतीचे सायलेंसर बसविण्यात आल्याची चर्चा आहे. दरम्यान नंदुरबार जिल्ह्यामध्ये नागरिकांकडून या कारवाईची कौतुक देखील केले जात आहे.

Edited By : Siddharth Latkar