नंदुरबार : नंदुरबार जिल्हा भाजपतर्फे भाजपाच्या 42 व्या स्थापना दिनानिमित्त (BJP Foundation Day) विविध कार्यक्रमांचे आयोजन करण्यात आले होते. नंदुरबार (Nandurbar) येथील भाजपाच्या विजयपर्व जिल्हा कार्यालयावर जिल्हाध्यक्ष विजय चौधरी यांच्या हस्ते भाजपच्या पक्षीय ध्वजारोहन करण्यात आले तसेच भारताचे पंतप्रधान नरेंद्र मोदी (Narendra Modi) यांच्या व्हर्च्युअल सभेत जिल्ह्यातील सर्व पदाधिकारी व कार्यकर्ते यांनी एकत्रित येऊन उपस्थिती लावली. पंतप्रधान नरेंद्र मोदी यांनी स्थापना दिनानिमित्त केलेलं मार्गदर्शन उपस्थित कार्यकर्त्यांना दाखवण्यात आले.

हे देखील पहा :

यानंतर शहरातील अमृत चौक परिसरात गरीब जनतेस अन्नदान वाटपाच्या कार्यक्रमाचे आयोजन करण्यात आले होते. यावेळी भाजपा (BJP) जिल्हाध्यक्ष विजय चौधरी यांच्याहस्ते अन्नदान वाटप करण्यात आले. दरम्यान भाजपाचे महिला युवक पदाधिकारी व कार्यकर्ते मोठ्या संख्येने उपस्थित होते. कार्यक्रमास अमळनेर विधानसभा मतदारसंघाचे माजी आमदार शिरीष चौधरी, नंदुरबार नगरपालिकेचे नगरसेवक, नंदुरबार जिल्हा भाजपाचे पदाधिकारी, भाजपच्या सर्व आघाड्यांचे पदाधिकारी कार्यकर्ते उपस्थित होते.

Edited By : Krushnarav Sathe