नंदुरबार : वाघासारख्या वन्य प्राण्याचे कातडे व नखे तस्करी करत अन्‍य राज्‍यात नेले जात होते. या प्रकरणी गुजरात सागबारा पोलिसांनी अक्कलकुवा येथील विस्तार अधिकाऱ्याला अटक केली. (nandurbar news Smuggling of tiger animal skins and claws by extension officers Gujarat Police Arrests)

नंदुरबार (Nandurbar) जिल्‍ह्यातील अक्‍कलकुआ (Akkalkuwa) पंचायत समितीत विस्‍तार अधिकारी असलेले किशोर अहिरे हे वाघसदृश्‍य वन्य प्राण्यांचे कातडे व नखे महाराष्ट्रातून गुजरातकडे नेत होते. या संशयावरुन विस्तार अधिकारी किशोर अहिरे यांना गुजरात पोलिसांनी (Gujrat Police) अटक केली आहे. तसेच कातडे व नखे ताब्‍यात घेतले आहे.

साडेपंधरा लाखाचा मुद्देमाल जप्‍त

गुजरात (Gujrat) राज्यातील सेलबा-सागबारा येथील धनसेरा येथे वाहनाची तपासणी दरम्यान सागबारा पोलिसांनी सदरची कारवाई केली आहे. संबंधिताकडून कारसह १५ लाख ५७ हजार ४८५ रुपयांचा मुद्देमाल जप्त करण्यात आला आहे. दरम्यान, यात फरार असणाऱ्या तिघांना अटक करण्यात आली असून वनविभागाच्या ताब्यात देण्यात आले आहे. अहवाल प्राप्त झाल्यावर संशयितांवर कारवाई करण्यात येणार आहे. शासकीय सेवेतील अधिकाऱयांच्या कारनाम्याने चर्चेला उधान आले आहे.